Ramil Kamalov Tötenşe jaǧdailar vise-ministrı bolyp taǧaiyndaldy. Būl turaly bügın, 24 aqpanda premer-ministrdıŋ baspasöz qyzmetı mälımdedı, dep habarlaidy «Adyrna» tılşısı.
«Qazaqstan Respublikasy Ükımetınıŋ 2025 jylǧy 21 aqpandaǧy qaulysymen būǧan deiın Qazaqstan Respublikasy Tötenşe jaǧdailar ministrlıgı Örtke qarsy qyzmet komitetınıŋ töraǧasy qyzmetın atqarǧan Kamalov Ramil Fatqūlūly Qazaqstan Respublikasynyŋ Tötenşe jaǧdailar jönındegı vise-ministrı bolyp taǧaiyndaldy»,– delıngen habarlamada.
Ramil Kamalov 1976 jyly Aqmola oblysynda düniege kelgen. 1993 jyldyŋ qyrküiegınen bastap azamattyq qorǧau organdarynda qyzmet ettı. Ol memlekettık örtke qarsy inspektorynan Örtke qarsy qyzmet komitetınıŋ töraǧasyna deiın östı. Soltüstık Qazaqstan oblysy Tötenşe jaǧdailar departamentın basqardy.
2025 jyldyŋ 18 qaŋtarynda Erlan Nūrpeiısovtıŋ Qazaqstan Respublikasy Tötenşe jaǧdailar vise-ministrı qyzmetınen bosatylǧany habarlanǧan bolatyn.
