Arman Qyryqbaev Prezidenttıŋ ışkı saiasat mäselelerı jäne kommunikasiialar jönındegı kömekşısı bolyp taǧaiyndaldy. Būl turaly bügın, 24 aqpanda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysynyŋ Jarlyǧymen Arman Orazbaiūly Qyryqbaev Qazaqstan Respublikasy Prezidentınıŋ ışkı saiasat mäselelerı jäne kommunikasiialar jönındegı kömekşısı bolyp taǧaiyndaldy, ol būrynǧy atqarǧan lauazymynan bosatyldy»,—delıngen habarlamada.
Būǧan deiın Ruslan Jeldıbai Qazaqstan Respublikasy Prezidentınıŋ ışkı saiasat mäselelerı jäne kommunikasiialar jönındegı kömekşısı lauazymynan bosatylǧan edı.
Arman Qyryqbaev 1976 jyly 20 qazanda Selinograd qalasynda düniege kelgen. Qazaq memlekettık basqaru akademiiasynyŋ, sondai-aq Qazaqstan Respublikasy Syrtqy ıster ministrlıgınıŋ Diplomatiialyq Akademiiasynyŋ tülegı bolyp tabylady. Mamandyǧy boiynşa halyqaralyq ekonomist. Memlekettık qyzmette, mädeniet jäne jastar saiasaty salasynda 28 jyldan astam jalpy eŋbek ötılı bar. Ol ekı ret Almaty äkımınıŋ orynbasary qyzmetın atqardy.
«Adyrna» ūlttyq portaly Arman Orazbaiūlyn jaŋa qyzmetımen qūttyqtap, tolaǧai tabys tıleidı.
