Däulet Mūqaev: Qaiǧyda bastysy – şynaiy qoldau

Deputat Däulet Mūqaev qazaq qoǧamyndaǧy qazaǧa bailanysty dästürlerdıŋ mänı men qazırgı oryndalu formasy turaly öz pıkırın bıldırdı. Onyŋ aituynşa, qaraly üige şynaiy qoldau körsetu maŋyzdy, al dästürlerdıŋ şekten tys oryndaluy qaiǧyǧa ūşyraǧan otbasyn odan ärı qiyn jaǧdaiǧa tüsıruı mümkın. "Qaiǧy är otbasynyŋ basyna tüsuı mümkın auyr synaq. Bıreu ata-anasynan, endı bırı jaqyn tuysynan, balasynan nemese dosynan aiyryluy mümkın. Mūndai kezde eŋ maŋyzdysy – marqūmnyŋ otbasy men jaqyndaryna şynaiy qoldau körsetu, olardyŋ qaiǧysyn bölısu", – deidı Däulet Mūqaev. Ol qazaq qoǧamynda qazaǧa bailanysty ülken qonaqasylar ūiymdastyru ädetı bar ekenın atap öttı. Būl dästürdıŋ maŋyzdylyǧyn joqqa şyǧarmai, onyŋ mänınen görı syrtqy körınısıne köp köŋıl bölınetının synǧa aldy. Qaraly üidıŋ ielerı qonaq kütuge mäjbür bolyp, öz qaiǧysyn tolyq sezınuge mümkındık ala almaitynyn, al keibır otbasylar qarjylyq qiyndyqtarǧa qaramastan, dastarhan jaiu üşın qaryzǧa batatynyn aitty. "Dästür – ūlttyŋ ruhani tıregı, bıraq onyŋ şekten tys oryndaluy negızgı maqsattan alystatpauy kerek. Qaiǧyda eŋ bastysy – janaşyrlyq pen şynaiy qoldau ekenın ūmytpaiyq!" – deidı qoǧam belsendısı. Ol būl mäselenı Qazaqstan mūsylmandary dıni basqarmasy (QMDB) tarapynan da, halyq arasynda da köbırek nasihattau kerektıgın aityp, köpşılıktı qaiǧyda adami qoldau körsetudı basty nazarǧa aluǧa şaqyrdy.