Aqtau qalasy äkımınıŋ būrynǧy orynbasary Timur Saduaqasov Qazaqstanǧa jetkızıldı, dep habarlaidy "Adyrna" ūlttyq portaly QazTAG-qa sıltep.
Ol asa ırı kölemdegı alaiaqtyq pen para beruge itermeleu ısı boiynşa küdıkke ılıngen. Būl turaly Qarjylyq monitoring agenttıgınıŋ (QMA) baspasöz qyzmetı habarlady.
«Qarjylyq monitoring agenttıgı Bas prokuraturanyŋ üilestıruımen jäne Ūlttyq qauıpsızdık komitetımen özara ıs-qimylda halyqaralyq ızdeude jürgen Saduaqasov T. H.-ny Qazaqstan aumaǧyna ekstradisiialady», – delıngen resmi mälımdemede.25 aqpan künı Timur Saduaqasov Türkıstan oblysyndaǧy «Qaplanbek» şekara beketınde ūstalyp, QMA qyzmetkerlerıne tapsyryldy. Odan keiın ol Şymkent qalasynyŋ tergeu izoliatoryna qamaldy. Jaqyn arada küdıktı Pavlodarǧa etappen jetkızılıp, qylmystyq ıstı mamandandyrylǧan audanaralyq sot qaraityn bolady. Būǧan deiın Timur Saduaqasov 90 million teŋge kölemınde para alu ısıne qatysty memleketaralyq ızdeude bolǧan. Ol Özbekstanǧa qaşuǧa äreket jasaǧan kezde ūstalǧany belgılı. Eske salsaq, 7 aqpanda Aqtau qalasy äkımınıŋ būrynǧy orynbasary Timur Saduaqasovqa ızdeu jariialanǧan bolatyn. Keiınnen onyŋ asa ırı kölemde alaiaqtyq jasady degen küdıkke ılıngenı jäne lauazymdy tūlǧalardy para aluǧa itermelegenı anyqtalǧan.
