Memleket basşysy jariialaǧan Jūmysşy mamandyqtar jyly aiasynda türkıtıldes elder arasyndaǧy tūŋǧyş TurkicSkills käsıbi şeberlık chempionaty 2025 jyldyŋ küzınde resmi türde türkı älemınıŋ mädeni astanasy tanylǧan Aqtau qalasynda ötedı.
Būl – jūmysşy mamandyqtarynyŋ bedelın arttyruǧa, käsıbi keŋıstık qūruǧa jäne türkıtıldes elderdıŋ jas mamandary arasynda täjıribe almasudy yntalandyruǧa baǧyttalǧan auqymdy bastama. Chempionat jastardyŋ äleuetın aşuǧa, zamanaui tehnologiialardy ılgerıletuge jäne uaqyt talabyna sai bılıktı jaŋa buyn kadrlaryn daiarlauǧa arnalǧan maŋyzdy alaŋ bolmaq.
Chempionatqa 16 men 22 jas aralyǧyndaǧy 100-den astam jas maman men 80-ge juyq joǧary bılıktı sarapşy qatysady dep kütılude. Qatysuşy elder qatarynda: Qazaqstan, Türkiia, Äzerbaijan, Majarstan, Özbekstan, Qyrǧyzstan, Türıkmenstan jäne Moŋǧoliia bar.
Jarystar aqparattyq tehnologiialar, qūrylys jäne qūrylys tehnologiialary, öndırıstık jäne injenerlık tehnologiialar, äleumettık jäne jeke qyzmetter syndy 15 negızgı qūzyrettılıktı qamtidy. Äsırese mobildı robototehnika jäne ūşqyşsyz ūşu apparattaryn (drondardy) basqaru siiaqty bolaşaǧy zor baǧyttarǧa erekşe köŋıl bölınedı.
Chempionatty Qazaqstan Respublikasy Oqu-aǧartu ministrlıgı ūiymdastyrady. Jobany jüzege asyruşy — QR OM janyndaǧy «Talap» KEAQ jäne Maŋǧystau oblysynyŋ äkımdıgı.
