Tramp aǧylşyn tılın AQŞ-tyŋ memlekettık tılı dep jariialady

AQŞ-tyŋ prezidentı Donald Tramp aǧylşyn tılın eldıŋ resmi tılı dep jariialaityn jarlyqqa qol qoidy. Būl turaly The New York Times basylymy jazdy dep habarlaidy “Adyrna” ūlttyq portaly. Jarlyq Bill Klinton äkımşılıgı kezınde qabyldanǧan. Memlekettık mekemeler men federaldyq qarjylandyru aluşylardy aǧylşyn tılınde söilemeitın adamdarǧa tıldık qoldau körsetuge mındetteitın erejenı joiady. Degenmen, jaŋa qūjat vedomstvolarǧa qūjattar men qyzmetterdı basqa tılderde ūsynudy jalǧastyruǧa mümkındık beredı. Būl şeşım AQŞ-ta ekıtıldı bılım berudı şekteudı jäne immigrasiiany azaitudy közdeitın “Tek aǧylşyn” qozǧalysy üşın ülken jeŋıs retınde baǧalanyp otyr. Qazırgı uaqytta 30-dan astam ştat aǧylşyn tılın resmi tıl retınde moiyndaǧan. Aq üidıŋ mälımdemesınde būl qadam eldegı bırlıktı nyǧaityp, ükımet jūmysyn tiımdırek etıp, azamattardyŋ qoǧamdyq ömırge aralasuyn arttyratyny aitylǧan. AQŞ-ta halyqtyŋ üşten tört bölıgı üiınde tek aǧylşyn tılınde söilese, elde 42 million ispan tıldı jäne üş million qytai tıldı adam bar. Tramp būǧan deiın de AQŞ-ta “tek aǧylşyn” saiasatyn qoldaitynyn bırneşe ret bıldırgen. 2015 jyly prezidenttıkke ümıtker kezınde ol qarsylasy Djeb Buştyŋ keide sūraqtarǧa ispan tılınde jauap beruın synǧa alǧan bolatyn.