Dialektologiia doktory. Şora Sarybaevtyŋ ǧasyry

Bügın – türkıtanuşy, filologiia ǧylymynyŋ doktory, professor, Ǧylym Akademiiasynyŋ korrespondent müşesı, ǧylym qairatkerı Şora Sarybaevtyŋ tuǧanyna — 100 jyl. Ol 1925 jyly 2 nauryzda Taşkentte düniege kelgen. Onyŋ äkesı, Şamǧali Haresūly Sarybaev, qazaq tılı ädısnamasynyŋ negızın saluşylardyŋ bırı bolǧan. Şora Sarybaev QazMU-dy 1950 jyly bıtırıp, 1953 jyly aspiranturasyn aiaqtaǧan. 1954-1995 jyldary A.Baitūrsynūly atyndaǧy Tıl bılımı institutynda Qazaq tılı tarihy men dialektologiiasy bölımınıŋ meŋgeruşısı qyzmetın atqarǧan. Şora Sarybaev qazaq tılınıŋ dialektologiiasy, leksikologiiasy, tıl mädenietı, qazaq ädebi tılınıŋ tarihy jäne qazaq-orys tıldık bailanystary salasynda tereŋ zertteuler jürgızgen. Ol qazaq tılınıŋ auyzşa söileu mädenietın zerttep, orys tılımen qarym-qatynasy nätijesınde paida bolǧan kırme sözderge taldau jasady. Sonymen qatar, türkologiia salasynda da auqymdy jūmystar atqaryp, qazaq tılın basqa türkı halyqtarynyŋ tılderımen salystyra otyryp zerttegen. 250-den astam ǧylymi maqalalary men oqulyqtary, monografiialary jaryq körgen. “Qazaq tılınıŋ qysqaşa etimologiialyq sözdıgı”, “Qazaq tılınıŋ dialektologiialyq sözdıgı”, “Jaŋa ataular sözdıgı” kıtaptarynyŋ qūrastyruşylardyŋ bırı. “Qazaqtyŋ aimaqtyq leksikografiiasy”,“Qazaq tıl bılımınıŋ bibliografiialyq körsetkışı” atty 6 tomdyq eŋbektıŋ jäne “Türkıtanu ädebietınıŋ bibliografiiasynyŋ” avtory. Şora Sarybaev 2018 jyly 93 jasynda ömırden öttı.