Qazaqstandyq konkimen jügıruşı Evgenii Koşkin Niderlandtyŋ Herenven qalasynda ötıp jatqan Älem kubogynyŋ kezeŋınde jeŋımpaz atandy. Būl turaly 2 nauryzda Ūlttyq olimpiadalyq komitettıŋ baspasöz qyzmetı jazdy, dep habarlaidy «Adyrna» tılşısı.
«Qazaqstandyq sportşy 500 metr qaşyqtyqta üzdık nätije körsettı. Onyŋ uaqyty – 34,46 sekund. Märege ekınşı bolyp kanadalyq Loren Diubrel jettı – 34,51 sekund. Qola jüldenı niderlandtyq Enning De Boo ielendı – 34,52 sekund»,—delıngen habarlamada.
Aita keteiık, būǧan deiın osy Älem kubogynyŋ kezeŋınde Koşkin üşınşı oryn alǧan bolatyn.
