Maŋǧystau oblysynda mūnai men emdık-mineraldy su ken oryndaryn aşqan ǧalym Oleg Gerştanskii ömırden öttı. Qaiǧyly habardy Energetika ministrlıgı jetkızdı, dep habarlaidy «Adyrna» tılşısı.
«Energetika ministrlıgınıŋ basşylyǧy men ūjymy Qazaqstan Respublikasy mūnai-gaz salasynyŋ körnektı qairatkerı, tehnika ǧylymdarynyŋ doktory, Maŋǧystau oblysyndaǧy mūnai jäne emdık-mineraldy su ken oryndaryn alǧaş aşqan Oleg Sergeevich Gerştanskiidıŋ mezgılsız qaitys boluyna bailanysty tuǧan-tuystary men jaqyndaryna qaiǧyryp köŋıl aitady. Oleg Gerştanskiidıŋ bükıl ǧūmyry – Respublikaǧa, öz ısıne adaldyq pen senımıne degen myzǧymas berıktıktıŋ jarqyn ülgısı. Oleg Sergeevich jarqyn ǧūmyr keştı, ärdaiym belsendı azamattyq ūstanymda boldy, ony tereŋ adamgerşılık qasietterı, joǧary käsıbilıgı jäne öz ısıne degen adaldyǧy erekşelendırdı. Oleg Sergeevichtıŋ jarqyn beinesı jüregımızde mäŋgı saqtalady, al onyŋ eŋbekterı bolaşaq ūrpaqtyŋ jadynda qalady. Onyŋ otbasy men jaqyndaryna osyndai auyr qaiǧyǧa bailanysty köŋıl aitamyz»,— delıngen köŋıl aitu jedelhatynda.
Oleg Gerştanskii 1978 jyldan bastap ömırınıŋ soŋyna deiın mūnai-gaz salasynda türlı lauazymdarda eŋbek etıp, Qazaqstannyŋ energetikalyq sektoryna aitarlyqtai üles qosqan.
Ǧalym Qazaqstan mūnaişy-geologtar qoǧamynyŋ müşesı, Energetika ministrlıgınıŋ janyndaǧy Kömırsutek ken oryndaryn barlau jäne igeru jönındegı ortalyq komissiiasynyŋ müşesı, sondai-aq «KAZENERGY» qauymdastyǧynyŋ Ǧylymi-tehnikalyq keŋesınıŋ qūramynda bolǧan. Ol 100-den astam ǧylymi maqalanyŋ, 82 önertabystyŋ jäne 5 monografiianyŋ avtory.
