Eks-prezident Nūrsūltan Nazarbaevtyŋ ortanşy qyzy Dinara Qūlybaevaǧa tiesılı «Qazaqstan-Britan tehnikalyq univesitetı» (QBTU) memleket menşıgıne öttı. Būl turaly Qarjy eseptılıgı depozitariiınde jazylǧan, dep habarlaidy “Adyrna” ūlttyq portaly.
Aqparatqa säikes, “Qazaqstan-Britan tehnikalyq universitetı” AQ-nyŋ 100% aksiiasy qaitarylǧan aktivterdı basqaru kompaniiasyna berıluı tiıs. Al būl kompaniia ırı bailardyŋ zaŋsyz ielenıp, memleketke qaitarǧan dünie-mülıktı basqarady.
Sonymen qatar D.V. Sokolskii atyndaǧy organikalyq kataliz jäne elektrohimiia institutynyŋ jäne A.B. Bektūrov atyndaǧy himiia ǧylymdary institutynyŋ 100% aksiialary da memleket menşıgıne ötedı.
“Qazırgı uaqytta sot oryndauşylary būl şeşımdı jüzege asyru prosesın jürgızude”, delıngen habarlamada.
Habarlamaǧa säikes, 27 aqpan künı bılım ordasynyŋ aksionerlerı auysqan. QBTU-dyŋ aksionerlerı qatarynan «Nūrsūltan Nazarbaev bılım qory» şyǧyp, ornyna «Qaitarylǧan aktivterdı basqaru kompaniiasy» engen.
Al «Nūrsūltan Nazarbaev bılım qoryna» Dinara Qūlybaeva, Galina Samarskaia jäne Asqar Nūrpeiısov ielık etedı.
Aita keteiık, QBTU ǧimaraty — Almaty qalasyndaǧy Astana alaŋynda ornalasqan ǧimarat. 1957 jyly salynǧan qaladaǧy tarihi jäne körnektı ǧimarattardyŋ bırı.
Būl ǧimaratta 1991 jyly Qazaqstan Respublikasynyŋ Täuelsızdıgı turaly zaŋ qabyldandy. 1997 jyldan 2001 jylǧa deiın ǧimarat Almaty oblysy äkımınıŋ rezidensiiasy qyzmetın atqardy. Osydan keiın ǧimarat Qazaqstan-Britan tehnikalyq universitetı ornalaspai tūryp bır jyldan az uaqyt bos tūrdy. 2018 jyly QBTU bas zaly qaita jaŋǧyrtyldy.
