Qazaqstanda 8 myŋǧa juyq orta bılım beru ūiymynda 400 myŋǧa juyq pedagog jūmys ısteidı. QR Oqu-aǧartu ministrlıgınıŋ mälımetınşe, olardyŋ 300 myŋǧa juyǧy attestasiia qorytyndysy boiynşa bılıktılık sanattary üşın üstemeaqy alady.
2020 jyldan bastap Prezident tapsyrmasyna säikes, pedagogterdıŋ ailyq eŋbekaqysy 100%-ǧa östı. Sondai-aq 2023 jyldyŋ qyrküiegınen bastap mektepke deiıngı bılım beru ūiymdarynyŋ tärbieşılerınıŋ jalaqysy 30%-ǧa artty. Al tehnikalyq jäne käsıptık bılım beru ūiymdaryna käsıporyndardan tartylǧan mamandarǧa 30-35 % kölemınde üstemeaqy qosyldy.
«Pedagog märtebesı turaly» zaŋ qabyldanǧannan keiın, mūǧalımderdıŋ jalaqysynyŋ mölşerı bılımınıŋ, sanatynyŋ (şeber, zertteuşı, sarapşy, moderator) deŋgeiıne jäne eŋbek ötılıne, jükteme kölemıne, sondai-aq eŋbek etu jaǧdaiyna bailanysty qosymşa tölemder, akademiialyq därejesınıŋ boluy (10 AEK), tälımgerlık etuı, sabaqtan tys sporttyq därıster beruıne (bazalyq lauazymdy eŋbekaqydan 100%) bailanysty qalyptasady.
Osylaişa, türlı sanattarynyŋ boluyna bailanysty pedagogterge kelesıdei üstemeaqy tölenedı:
* Pedagog-şeber – 50%
* Pedagog-zertteuşı – 40%
* Pedagog-sarapşy – 35%
* Pedagog-moderator – 30%
Auyl mūǧalımderıne erekşe köŋıl bölınude – olardyŋ jalaqysy qalalyq ärıptesterıne qaraǧanda, kemınde 25%-ǧa joǧary.
2024 jyldyŋ qorytyndysy boiynşa Qazaqstanda mūǧalımnıŋ ortaşa ailyq jalaqysy 1 mölşerleme üşın (16 saǧat) 352 myŋ teŋge, al auyl mūǧalımderı üşın 435 myŋ teŋgenı qūrady. Būl rette Ūlttyq bılım beru derekter bazasynyŋ mälımetınşe, elımızdıŋ pedagogterınıŋ jartysy 1,5 mölşerlememen (24 saǧat) jūmys jasap, aiyna ortaşa 581 myŋ teŋge jalaqy alady.
Sonymen qatar, Qazaqstan bılım beru ısındegı jetıstıkterı, olimpiada jüldegerlerın daiyndaǧany jäne memlekettık nagradaǧa ie bolǧany üşın aqşalai syiaqymen marapattaudy ürdıske ainaldyrǧan sanauly elderdıŋ bırı. 2023 jyly 89 pedagog memlekettık syiaqynyŋ laureaty atandy, syiaqy kölemı 3,6 mln teŋgenı (1000 AEK) qūrady. Marapattaluşylardyŋ arasynda – Eŋbek erlerı, Qazaqstannyŋ eŋbek sıŋırgen ūstazdary, «Üzdık pedagog» baiqauynyŋ jeŋımpazdary bar.
Osylaişa, soŋǧy bes jylda Qazaqstan ailyq jalaqynyŋ ösuın ǧana emes, üstemeaqy töleu jäne yntalandyru jüiesın qamtamasyz etu arqyly pedagogterdıŋ märtebesı men qarjylyq äleuetın köteru baǧytynda maŋyzdy bastamalardy jüzege asyrdy.
Ūqsas jaŋalyqtar
