Memleket basşysy Qasym-Jomart Toqaev 8 nauryz – Halyqaralyq äielder künımen qazaqstandyqtardy qūttyqtady. Prezidenttıŋ qūttyqtauynda äielder qauymynyŋ qoǧamdaǧy rölı erekşe atap ötıldı, dep habarlaidy "Adyrna" ūlttyq portaly.
Aqordanyŋ baspasöz qyzmetı jariialaǧan qūttyqtau mätınınde:
«Qymbatty hanymdar! Barşaŋyzdy Halyqaralyq äielder künımen şyn jürekten qūttyqtaimyn! Būl – sūlulyq pen meiırımdılıktıŋ simvolyna ainalǧan şuaqty mereke. Halqymyz ejelden anasyn ardaqtap, qyzdaryn qadırlei bılgen. Köptegen arularymyzdyŋ esımı töl tarihymyzǧa altyn ärıppen jazylǧan. Qazır Qazaqstanda äielder türlı käsıppen ainalysyp, bizneste jäne qoǧamdyq qyzmette zor tabysqa jetıp jür. Olar biık belesterdı baǧyndyryp qana qoimai, sanaly ūrpaq tärbieleu jolynda aianbai eŋbek etıp keledı», – delıngen.
Memleket basşysy barlyq äielderdıŋ adal eŋbegı joǧary baǧalanatynyn atap ötıp, Qazaqstandaǧy analar men arularǧa şynaiy rizaşylyǧyn bıldırdı. Sondai-aq, eldegı äielderdıŋ qūqyqtaryn qorǧau jäne olardyŋ jan-jaqty damuyna jaǧdai jasau memlekettık saiasattyŋ basym baǧyttarynyŋ bırı ekenın jetkızdı.
«Janaşyrlyq, jauapkerşılık, jasampazdyq siiaqty asyl qasietterdı boiyna sıŋırgen äielder qauymy elımızdegı auqymdy özgerısterdı jüzege asyruǧa zor üles qosa beredı dep senemın», – dep tüiındedı Prezident.
Ūqsas jaŋalyqtar
