Özbekstanda käsıpker äielderdıŋ müddesın qorǧaityn keŋes qūrylmaq

1926
Adyrna.kz Telegram
https://adyrna.kz/content/uploads/2023/11/b4d55032-6508-4c5d-9aa8-5fe6a19045e9-960x500.jpeg?token=9f417da59ebf7af89f36f3736313e73d
Özbekstan prezidentı Şavkat Mirziioev 8 nauryz – Halyqaralyq äielder künıne arnalǧan saltanatty jiynda Tauar-önerkäsıp palatasy janynan Käsıpker äielder keŋesın qūrudy ūsyndy. Būl keŋes biznestegı äielderdıŋ mäselelerın köterıp, olardyŋ müddesın qorǧaidy, dep habarlaidy "Adyrna" ūlttyq portaly. Prezidenttıŋ aituynşa, būl keŋes parlamentke tıkelei ūsynystar berıp, käsıpker äielderdıŋ qūqyqtaryn qorǧauǧa yqpal etedı. Jaŋa qūrylymdy ūiymdastyru mındetı Tauar-önerkäsıp palatasy töraǧasynyŋ orynbasary Nodira Şotursunovaǧa jükteldı. Özbekstanda jūmyssyzdyqpen küreske baǧyttalǧan ırı memlekettık baǧdarlamalar jüzege asyryluda. Prezidenttıŋ mälımetınşe, ötken jyly būl maqsatqa 17 trln sum (1,3 mlrd dollar) bölıngen. Nätijesınde äiel käsıpkerler 81 trln sum (6,2 mlrd dollar) kölemınde önım öndırıp, 450 mln dollarlyq eksport jasaǧan. Köptegen käsıpker äielder mahalla tūrǧyndaryn jūmysqa tartyp, olardy jaŋa mamandyqtarǧa oqytuda. "Osyndai äleumettık jauapkerşılıktı moinyna alǧan käsıpker äielderdı men Jaŋa Özbekstannyŋ qūrylysşylary dep sanaimyn jäne olarǧa zor rizaşylyǧymdy bıldıremın. Olardyŋ damuy üşın qosymşa jaǧdailar men jeŋıldıkter jasaimyn", – dedı prezident. 2024 jyly ekı million äieldı jūmyspen qamtu, onyŋ ışınde jartysynan astamyn käsıpkerlıkke tartu mındetı qoiylǧan. Būl maqsatta bankter jaŋa biznes bastaityn äielderge tiımdı nesie paketterın ūsynady. Prezident atap ötkendei, äielderdıŋ qūqyǧy men märtebesın arttyru memlekettık saiasattyŋ basym baǧyttarynyŋ bırı. Memleket äielderdı äleumettık jaǧynan qorǧau jūmystaryn jalǧastyrady. Iаǧni, 162 myŋ mümkındıgı şekteulı äielge sanatoriiler men klinikalarda medisinalyq kömek körsetıledı. 130 asyrauşysynan aiyrylǧan äielge qarjylai kömek berıledı. 6 myŋ äieldıŋ tūrǧyn üi jaǧdaiyn jaqsartu josparlanǧan. "Bız elımızdıŋ äleuetıne süiene otyryp, reformalardy jaŋa deŋgeige köteruge bel budyq. Būl jolda bızdıŋ äielder qauymy ärdaiym köşbasşy bolady dep senemın", – dep tüiındedı Mirziioev.
Pıkırler