Işkı ıster organdarynyŋ qyzmetkerlerı Türkıstan oblysynda ekstremistık materialdardy taratyp, dıni alauyzdyqty qozdyruǧa tyrysqan küdıktılerdı ūstady. Būl turaly bügın, 10 nauryzda IIM baspasöz qyzmetı jazdy, dep habarlaidy «Adyrna» tılşısı.
«Jedel-ızdestıru ıs-şaralary barysynda küdıktılerdıŋ būl topqa radikaldy dıni közqarastary boiynşa bırıkkenı anyqtaldy. Olar äleumettık jelılerde basqa dındegı azamattardyŋ qadır-qasietın jäne dıni sezımderın qorlaityn sözder jariialap otyrǧan. Sot būryn ekstremistık dep tanyǧan audio jäne beinematerialdardy halyq arasynda taratqan»,—delıngen habarlamada.
Küdıktılerdıŋ tūrǧylyqty jerı men jūmys oryndaryn tıntu barysynda 20-dan astam dıni ädebiet, esırtkı qūraldary, oq-därıler, zaŋsyz saqtalǧan qaru jäne basqa da zattai aiǧaqtar tärkılendı. Top jetekşılerı sottyŋ sanksiiasymen qamauǧa alyndy.
«Jasalǧan qylmystyq äreketterdıŋ barlyq män-jaiyn anyqtauǧa baǧyttalǧan jedel-tergeu ıs-şaralary jalǧasuda»,—dep atap öttı ministrlık.
