Ükımet Qazaqstandaǧy uaqyt beldeuın auystyru boiynşa zertteu nätijelerın ūsyndy. Būl turaly sauda jäne integrasiia ministrı Arman Şaqqaliev mälımdedı, dep habarlaidy «Adyrna” ūlttyq portaly.
«Halyqtyŋ densaulyǧyna, energiia tūtynuyna jäne eŋbek önımdılıgıne uaqyt beldeulerınıŋ özgeruınıŋ praktikalyq äserın zertteu üşın medisinanyŋ, neiroǧylymnyŋ, biofizikanyŋ, genetikanyŋ, astrofizikanyŋ, fiziologiianyŋ salasyndaǧy ǧylymi-zertteu instituttary, mäslihat deputattary men basqa da müddelı taraptardy tarta otyryp monitoring jürgızıldı. Jūmys barysynda derekterdı zertteu, saualnamalardyŋ nätijelerı men uaqyt beldeuın auystyrǧanǧa deiıngı jäne keiıngı körsetkışterdı salystyru boiynşa keşendı täsıl qoldanyldy», - dedı sauda jäne integrasiia ministrı Arman Şaqqaliev.
Onyŋ aituynşa, zertteuler jürgızu ädıstemesı halyqtyŋ densaulyǧyna, energiia tūtynuyna, eŋbek önımdılıgıne, oquşylardyŋ ülgerımıne, qylmys deŋgeiı jäne basqa da aspektılerge uaqyt beldeuın özgertu äserın baǧalauda 40-tan astam metrikalar men körsetkışterdı qamtidy.
Densaulyq saqtau salasy boiynşa zertteu ärtürlı jas toptaryn jäne qala men auyl halqyn qamtydy.
Energiiany tūtynu bölıgınde elektr energiiasyn tūtynu statistikasyn, onyŋ ışınde eŋ joǧary jüktemelerdı, qysqy şyŋdarǧa äser etudı baǧalaudy jäne bükıl el boiynşa jäne köp päterlı tūrǧyn üi keşenderı boiynşa elektr energiiasyn tūtynudy salystyru jürgızılgenı körsetılgen.
Eŋbek qyzmetı boiynşa oryndalǧan jūmys kölemı, keşıgu men jalqaulyq jaǧdailary, jaraqattar men tärtıp būzuşylyqtar sany qarastyryldy.
«Nätijeler uaqyt beldeuın auystyrudyŋ halyqtyŋ ömır süru deŋgeiıne terıs äser etpeitının körsetedı. Sonymen qatar, öŋırlerde mäslihat deputattary jūmys uaqytyn oŋtailandyrudy qoldap, jūmys kestesın tüzetu bastamasyn köterdı», - dep mälımdedı ministr.
Mūndai uäj zertteu jürgızılmei tūryp aitylǧan ritorikamen ündes şyqty.Onyŋ aituynşa, bügınde Şyǧys Qazaqstan oblysynyŋ bırqatar audandarynda (Katonqaraǧai, Marqaköl, Ülken Naryn, Zaisan, Tarbaǧatai, Samara, Kürşım) jūmys kestesı saǧat 8.00-den 17.30-ǧa deiın tüzetıldı.
Sondai-aq, ol qajet bolǧan jaǧdaida būl täjıribenı jergılıktı atqaruşy organdar basqa öŋırlerde de qoldanatynyn aitty.
