XIII ǧasyrda jazylǧan äigılı «Moŋǧoldardyŋ qūpiia şejıresı» eŋbegı alǧaş ret barlau tūrǧysynan saraptalǧan jaŋa zertteu jaryq kördı, dep habarlaidy "Adyrna" ūlttyq portaly.
«Şyŋǧys hannyŋ qūpiia barlauy» dep atalatyn būl eŋbektıŋ avtorlary — moŋǧoliialyq zertteuşıler J.Soioombo men J.Tuvşintur.
Kıtapta köne tarihi qūjat barlau qyzmetı men strategiialyq basqaru jüiesınıŋ negızı retınde qarastyrylyp, ejelgı moŋǧoldardyŋ aqparat jinau, öŋdeu, taratu jäne qarsy barlau ädısterı jan-jaqty sipattalǧan.
Kıtapta «Sūr at» dep atalatyn arnaiy operasiia", "Jergılıktı halyqpen jūmys ısteu täsılderı", "Dezinformasiia arqyly strategiialyq maqsattarǧa jetu", "XIII ǧasyrdaǧy şeşım qabyldau mädenietı men oilau jüiesı" syndy taqyryptar qarastyrylǧan.
Zertteude köne şejırenıŋ äskeri barlau, strategiia jäne aqparattyq qauıpsızdık salalary üşın maŋyzy erekşe atap körsetıledı.
J.Soioombonyŋ aituynşa, ejelgı derektı dūrys qyrynan tüsınu bügıngı künge de tiımdı sabaq bolmaq.
«Būl eŋbek — bızdıŋ halqymyzdyŋ baǧaly tarihi mūrasy. Onda jazylǧan barlau täsılderı men strategiialyq oilau jüiesı qazırgı zamanda da özektılıgın joǧaltqan joq», - deidı avtor.
Avtorlar zertteu barysynda köne jäne qazırgı zamanǧy barlau jüielerın salystyryp, tarihi prosesterdıŋ aqparattyq qauıpsızdık, äskeri taktika jäne strategiialyq josparlau salalaryna yqpalyn anyqtaǧan.
Mamandar pıkırınşe, eŋbek ǧylymi qauymdastyq üşın ǧana emes, aqparattyq qauıpsızdık pen ūlttyq müddenı qorǧau salasyndaǧy mamandar üşın de maŋyzdy qūral bolmaq.
