Qazaqstan premer-ministrınıŋ orynbasary Ermek Köşerbaev Almatyda reseilık saiasatker Vladimir Jirinovskiige eskertkış ornatylmaitynyn aitty, dep habarlaidy "Adyrna" ūlttyq portaly.
Būl turaly ol mäjılıste ötken brifingte jurnalisterdıŋ sūraqtaryna jauap beru kezınde mälımdedı.
BAQ ökılderı Almatyda Jirinovskiidıŋ monumentın ornatu jospary ras pa dep sūrady. Öitkenı būl aqparat qazaqstandyq jäne reseilık basylymdarda keŋınen taralǧan edı.
— Sız būǧan deiın Qazaqstannyŋ Reseidegı elşısı qyzmetın atqardyŋyz, al qazır mädeniet pen öner salasyn qadaǧalaisyz. Almatyda Jirinovskiige eskertkış ornatu mümkın be? — dep sūrady jurnalist.
— Joq, ärine! – dep qysqa jauap berdı Köşerbaev.
— Nelıkten? – dep naqtylady jurnalist.
— Öitkenı joq, – dep tüiındedı vise-premer.
Tılşınıŋ sodan keiıngı anyqtau üşın qoiylǧan sūraǧyna şeneunık "Joq degen soŋ joq!"-dep qysqa qaiyrdy.
Köşerbaev odan ärmen būl taqyrypqa qatysty basqa tüsınıkteme beruden bas tartty.
Vladimir Jirinovskii Almatyda düniege kelgen. Ol 2022 jylǧy 6 säuırde 75 jasynda Mäskeude qaitys boldy. 2024 jyldyŋ qaraşa aiynda Resei prezidentı Vladimir Putin saiasatkerdıŋ tuǧanyna 80 jyl toluyna orai merekelık ıs-şaralar ötkızu turaly jarlyqqa qol qoiǧan.
11 nauryzda belgılı bolǧandai, josparlanǧan ıs-şaralar qatarynda Reseidıŋ bırneşe qalasynda jäne Almatyda Jirinovskiige eskertkış ornatu qarastyrylǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz