Memleket basşysy Qasym-Jomart Toqaev Qazaqstannyŋ bıryŋǧai uaqyt beldeuıne köşuı turaly aitty. Būl turaly ol Burabaida ötken qūryltaida mälımdedı, dep habarlaidy “Adyrna” ūlttyq portaly.
"Endı bıryŋǧai uaqyt beldeuıne köşuge qatysty pıkırtalasqa toqtalaiyn. Ükımet pen Parlament būl mäselenı talqylady. Arnaiy zertteuler jürgızıldı, şeşımge kümän keltırgen qoǧam belsendılerınıŋ qaupı men kümän-küdıgı rastalǧan joq.
Ükımettıŋ jäne deputattardyŋ basym köpşılıgınıŋ, sondai-aq mamandardyŋ uäjımen kelısemın: bızdıŋ keŋ-baitaq jerımız bar, halqymyzdyŋ sany da salystyrmaly türde alǧanda köp emes. Sondyqtan elımızde bıryŋǧai uaqyt beldeuı boluǧa tiıs. Būl täsıl memlekettı basqaru ısın jeŋıldetedı, logistika men köptegen biznes-üderıstı oŋtailandyruǧa septıgın tigızedı. Osymen pıkırtalasty doǧaru qajet dep oilaimyn, onyŋ üstıne būl mäselenı saiasilandyrudyŋ qajetı joq", - dedı Prezident Ūlttyq qūryltai otyrysynda.
Ūqsas jaŋalyqtar
