Memleket basshysy Qasym-Jomart Toqaev Ramazan aıynyń bastalýymen Qazaqstan halqyn quttyqtady, dep habarlaıdy “Adyrna” ulttyq portaly.
Prezıdent qasıetti orazanyń mán-mańyzy aıryqsha ekenin atap ótti.
«Bul – qoǵamda ımandylyq, adaldyq, janashyrlyq, meıirimdilik sııaqty myzǵymas qundylyqtarǵa barynsha mán beriletin kezeń. Búkil musylman qaýymynyń yntymaǵy artyp, bir-birine baýyrmaldyǵy aıqyn kórinetin mezgil.
Din men dástúr sabaqtastyǵyn berik ustanatyn el tatýlyǵyn, turaqtylyǵy men tynyshtyǵyn saqtap, kez kelgen syn-qaterden súrinbeı óte alady. Men Qazaqstan halqynyń árdaıym rýhanı úndestikte ómir súrip, bolashaqqa nyq qadam basatynyna senemin», - dep atap ótti prezıdent.
