Bırqatar qazaqstandyq bank Prezident Qasym-Jomart Toqaev aitqan şeteldık 7 trln teŋgenı syrtqa «aidap şyǧaru» operasiialaryna qatysy joq ekenın mälımdedı, dep habarlaidy "Adyrna" ūlttyq portaly QazTAG-qa sıltep.
Atap aitqanda, «Otbasy bankınıŋ» baspasöz qyzmetı mūndai operasiialardyŋ olardyŋ bankıne qatysy joq ekenın aitty. Sonymen qatar «Halyq bank», «Altyn bank», «Houm Kredit bank» jäne «Euraziialyq bank» te özderınıŋ atalǧan kümändı qarjy operasiialaryna qatysy baryn joqqa şyǧardy.
Elımızdegı eŋ ırı ärı köne bankterdıŋ bırı resmi tüsınıkteme beruge uaqyt sūrasa, özge bankter redaksiiadan elektrondy poşta arqyly resmi sūrau joldaudy ötıngen. Al «Bank SentrKredit» jurnalistık saualǧa erekşe talap qoiǧan jalǧyz bank bolyp şyqty.
QazTAG deregınşe, BSK jazbaşa jauap alu üşın ötınış iesınıŋ aty-jönımen qatar, JSN, bailanys nömırı jäne tolyq tūrǧylyqty mekenjaiyn körsetudı talap etken. Bank būl derekter ötınışke qol qoiylyp, PDF formatynda joldanuy qajet ekenın habarlaǧan. Aita keterlıgı, mūndai talapty basqa bırde-bır bank qoiǧan joq.
