Siriia prezidentı Ahmed aş-Şaraanyŋ äkesı Husein aş-Şaraanyŋ Deir-ez-Zor provinsiiasynyŋ tūrǧyndaryna qatysty aitqan sözderı qoǧamda ülken rezonans tudyryp, aimaqta narazylyqtarǧa sebep boldy, dep habarlaidy «Adyrna» tılşısı.
Televiziialyq sūhbat kezınde Husein aş-Şaraa Deir-ez-Zor tūrǧyndaryna qatysty qorlau sipatyndaǧy sözderdı aitqan. Beinejazba äleumettık jelılerde taraǧannan keiın provinsiiada narazylyq aksiialary öttı.
Jaǧdaiǧa prezident Ahmed aş-Şaraa aralasyp, Deir-ez-Zor gubernatory Ziiad äl-Aiiaş arqyly aimaq ökılderımen bailanys ornatty.
Memleket basşysy äkesınıŋ aitqan sözderı üşın keşırım sūrap, el bırlıgın saqtaudyŋ maŋyzyn atap öttı.
«Äkemnıŋ sözderı Deir-ez-Zor tūrǧyndaryn renjıtpei tūryp, aldymen menıŋ köŋılıme tidı. Sızderdıŋ qūqyqtaryŋyz qorǧalǧan. Deir-ez-Zor halqy — bızdıŋ dostarymyz. Äkemnıŋ atynan keşırım sūraimyn», — dedı prezident.
Siriianyŋ şyǧysynda ornalasqan Deir-ez-Zor mūnai qoryna jäne geografiialyq ornyna bailanysty eldegı strategiialyq maŋyzdy aimaqtardyŋ bırı sanalady. Siriiadaǧy qaqtyǧys jyldary būl provinsiia bırneşe ret türlı qaruly toptar arasyndaǧy şaiqas alaŋyna ainalǧan.
Soŋǧy uaqytta Siriia bilıgı ortalyq ükımet pen jergılıktı halyq arasyndaǧy bailanysty nyǧaitu maqsatynda aimaqtyŋ ru basşylarymen jäne qoǧam qairatkerlerımen qarym-qatynasty küşeitken.
