Memleket basşysy Qasym-Jomart Toqaev qazaqstandyqtardy Alǧys aitu künımen qūttyqtady. Būl turaly Aqorda. jariialady, dep habarlaidy “Adyrna” ūlttyq portaly.
“Qūrmettı otandastar! Sızderdı Alǧys aitu künımen şyn jürekten qūttyqtaimyn! Būl merekede ūltymyzdyŋ salt-sanasynda berık qalyptasqan dostyq, qaiyrymdylyq jäne yntymaq syndy myzǧymas qūndylyqtar keŋınen därıpteledı. Alǧys aitu künı qiyn-qystau zamandarda da meiırımdılık pen janaşyrlyq tanyta bılgen ärı bırlıgın bekem etken halqymyzdyŋ ızgı qasietterın jadymyzda jaŋǧyrtady. Būryn-soŋdy bolmaǧan jahandyq syn-qaterler jäne elımızdegı auqymdy özgerıster kezeŋınde ärbır azamattyŋ el bolaşaǧy üşın jauapkerşılık tanytuy jäne özara qoldau körsetuı asa maŋyzdy. Bügıngı meiramda adal eŋbegı, jasampazdyǧy men otanşyldyǧy üşın barşa halqymyzǧa şynaiy rizaşylyǧymdy bıldıremın. Bız elımızdıŋ auyzbırşılıgın saqtai bılsek, kez kelgen qiyndyqty eŋseremız. Ädılettı Qazaqstandy qūryp, elımızdı odan ärı örkendete beremız dep senemın. Barşaŋyzǧa zor densaulyq, baq-bereke jäne tolaǧai tabys tıleimın!”,- dedı Prezident.
