Astanadaǧy tūrǧyn üi keşenınıŋ liftınde pyşaqpen şabuyl jasalǧan bes jasar balanyŋ sol jaq betı qozǧalmai qalǧan. Būl turaly Tengrinews.kz tılşısıne anasy onyŋ qazırgı jaǧdaiy turaly aityp berdı, dep habarlaidy “Adyrna”.
Anasynyŋ aituynşa, balaǧa jaraqattan keiıngı neiropatiia diagnozy qoiylǧan – būl bet jüikesınıŋ zaqymdanuy, sonyŋ saldarynan onyŋ sol jaq betı qozǧalmai qalǧan. Qazır ol fizioterapiia kursynan ötıp jatyr, alaida därıgerler älı naqty boljam jasai almai otyr.
"Sol jaǧy qozǧalmaidy. Därıgerler qalpyna kelu prosesı bıraz uaqyt aluy mümkın deidı. Qosymşa ota jasau qajettılıgı turaly äzırge naqty eşkım eşteŋe aita almaidy. Bır jyldyŋ ışınde oŋaltu barysynda belgılı bolady", – dedı zardap şekken balanyŋ anasy.
Mamandardyŋ aituynşa, mūndai jaraqattar kezınde köp närse aǧzanyŋ jeke erekşelıkterı men reabilitasiianyŋ tiımdılıgıne bailanysty. Fizioterapiia jüike men būlşyqetterdı yntalandyruǧa baǧyttalǧan, alaida qalpyna kelu prosesı ūzaqqa sozyluy mümkın. Därıgerler balanyŋ jaǧdaiyn ünemı baqylap otyr, bıraq äzırge ota qajet pe, joq pa degen sūraqqa naqty jauap bere almaidy.
Eske salaiyq, 2025 jyly 11 aqpanda Astanada 14 jastaǧy jasöspırım liftıde balaǧa pyşaqpen şabuyl jasaǧan. Oqiǧany tergeu kezınde kämelet jasyna tolmaǧan jasöspırım psihonevrologiialyq dispanserde esepte tūrǧany anyqtalǧan.
Astana Polisiia departamentı bastyǧynyŋ orynbasary Quanyş Orynbetovtıŋ aituynşa, balaǧa jasalǧan şabuyl boiynşa qylmystyq ıs qozǧalǧan.
Qalalyq densaulyq saqtau basqarmasynyŋ mälımetınşe, zardap şekken bala bes jasta. Oqiǧadan keiın ol köpsalaly №2 qalalyq balalar auruhanasynyŋ jaq-bet hirurgiiasy bölımıne jatqyzylǧan.
Därıgerler onyŋ jalpy jaǧdaiyn auyr dep baǧalady. Al otadan keiın balanyŋ jaǧdaiy tūraqty ekenı aityldy.
