Auyl sport: Üstel tennisı endı auyldarda qoljetımdı!

AUYL SPORT jobasy öz auqymyn keŋeitıp, jaŋa mümkındıkter ūsynuda. Endı baǧdarlama aiasynda auyldyq jerlerde taǧy bır qyzyqty sport türı – üstel tennisı qoljetımdı bolmaq. Būl bastama Timur jäne Dinara Qūlybaevtar negızın qalaǧan Halyk qaiyrymdylyq qory men Qazaqstan Respublikasynyŋ Üstel tennisı federasiiasy arasyndaǧy yntymaqtastyq nätijesınde jüzege asuda. Būl kelısımnıŋ basty maqsaty – auyldyq aimaqtarda üstel tennisın damytu, balalardy sportqa tartu jäne jattyqtyruşylar men töreşılerdıŋ bılıktılıgın arttyru. AUYL SPORT jobasy aiasynda auyl balalary jaŋa mümkındıkterge ie bolyp, öz talanttaryn damytpaq. Joba aiasynda taraptar ädıstemelık qoldau körsetu, jarystar men basqa da sporttyq ıs-şaralardy ūiymdastyru jönınde kelısımge keldı. Sondai-aq, būl yntymaqtastyq qaiyrymdylyq mädenietın damytu men būqaralyq sportty nasihattauǧa baǧyttalǧan. “Auyldyq jerlerde sportty damytu – bızdıŋ qordyŋ basty mındetterınıŋ bırı. Bız öŋırlerde būqaralyq sportty damytuǧa arnalǧan auqymdy jobalardy jüzege asyryp kelemız. AUYL SPORT jobasyna üstel tennisınıŋ qosyluy – balalar men jasöspırımder üşın jaŋa mümkındıkterdıŋ bastauy”, – deidı Halyk qorynyŋ atqaruşy direktory Ǧalymbek Jaqsylyqov. Üstel tennisı – älemdegı eŋ qoljetımdı sport türlerınıŋ bırı. Ol qymbat jabdyqtardy qajet etpeidı jäne tıptı şaǧyn auyl mektepterınde de ūiymdastyryluy mümkın. Qazaqstanda būl sport qarqyndy damyp keledı, al AUYL SPORT jobasynyŋ arqasynda auyldyq jerlerdegı balalarǧa käsıbi deŋgeige jetuge mümkındık aşylmaq. AUYL SPORT – bolaşaq chempiondarǧa arnalǧan platforma 2024 jyly ıske qosylǧan AUYL SPORT jobasy auyl balalaryna arnalǧan eŋ ırı sporttyq bastamaǧa ainaldy. Byltyr öŋırlık turnirlerge 200 eldı mekennen 12 000 jas sportşy qatysyp, al finalǧa 17 öŋırden 1 300 üzdık qatysuşy öner körsettı. Jobada qazırdıŋ özınde boks, küres, karate, basketbol, voleibol jäne şahmat engızılgen, al 2025 jyldan bastap üstel tennisı qosylady. 2016 jyldan berı Halyk qory bılım beru, densaulyq saqtau jäne sportty damytuǧa baǧyttalǧan 120-dan astam äleumettık jobany jüzege asyrdy. AUYL SPORT – balalarǧa sportqa qoljetımdılık beretın, olardyŋ mınezın qalyptastyryp, jaŋa mümkındıkter aşatyn jüielı bastamalardyŋ bırı. Būl joba ärbır balanyŋ tūrǧylyqty jerıne qaramastan, sportpen ainalysuyna mümkındık beru arqyly olardyŋ taǧdyryn özgertedı. “AUYL SPORT – būl Halyk qorynyŋ Qazaqstannyŋ bolaşaǧyna salǧan investisiiasy. Ärbır balanyŋ öz äleuetın aşuǧa mümkındıgı boluy kerek”, – deidı Ǧalymbek Jaqsylyqov.