Maŋǧystauda qūny 1,35 mlrd dollardy qūraityn ammiak pen karbamid öndıretın zauyt qūrylysy bastalady Premer-ministr Oljas Bektenov tiıstı qaulyǧa qol qoidy. Būl turaly bügın, 21 nauryzda Ükımettıŋ baspasöz qyzmetı aitty, dep habarlaidy «Adyrna» tılşısı.
Jobany QazaqGaz jäne ESTA bırlesken käsıporny — «Qazesta Fertilizers LTD» kompaniiasybazasynda ıske asyru josparlanyp otyr. Ükımettıŋ mälımetınşe, zauyttyŋ orny retınde Maŋǧystau oblysy taŋdaldy. Būl önımderdı Kaspii teŋızı arqyly eksporttauǧa oŋtaily jaǧdailardy qamtamasyz etedı. Esta Construction türık kompaniiasy älemdegı eŋ üzdık 100 qūrylys kompaniiasynyŋ qataryna kıredı.
«Jobanyŋ qūny – 1,35 mlrd dollar. Qūrylysty üş jarym jylda aiaqtau josparlanyp otyr. Iske asyru kezeŋınde 3 myŋǧa deiın adam tartylyp, qūrylys aiaqtalǧannan keiın 400 tūraqty jūmys orny aşylady. Zauyttyŋ öndırıstık quaty jylyna 700 myŋ tonnaǧa deiın karbamidtı jäne 42 myŋ tonna ammiakty qūraidy»,—delıngen habarlamada.
Joba gaz himiiasy salasyn damytuǧa, sondai-aq importty almastyruǧa jäne qosylǧan qūny joǧary önımderdı daiyndauǧa baǧyttalǧan.
Eske salaiyq, 4 nauryzda ükımet basşysy Oljas Bektenov ESTA Construction kompaniiasynyŋ bas direktory Mūstafa Toprakpen kezdesıp, elımızde 675 mlrd teŋgenıŋ himiia zauytyn salu mäselesın talqylaǧan edı.
