Premer-Ministrdıŋ keŋesşısı Eraly Toǧjanov jūmys saparymen Batys Qazaqstan oblysyna bardy.
Sapar barysynda Eraly Toǧjanov öŋırdegı su tasqyny jaǧdaiymen tanysty. Ol jergılıktı atqaruşy organdar men tötenşe qyzmet ökılderınıŋ qatysuymen keŋes ötkızıp, täuekelderdı barynşa azaitu jäne halyqtyŋ qauıpsızdıgın qamtamasyz etu şaralaryn talqylady.
Sonymen qatar, ol Oral qalasyndaǧy su basu qaupı bar uchaskelerdı aralap, sondai-aq oblystyŋ su tasqyny qaupı bar audandaryn, onyŋ ışınde Terektı, Syrym, Qaratöbe, Şyŋǧyrlau jäne Börlı audandaryn äueden baqylady.
Sapar barysynda su obektılerı qaralyp, köktemgı su tasqynynyŋ saldaryn boldyrmau boiynşa qabyldanyp jatqan şaralardyŋ tiımdılıgı baǧalandy. Eraly Toǧjanov jergılıktı atqaruşy organdar halyqtyŋ qauıpsızdıgın qamtamasyz etu üşın qajettı şaralardy jedel qabyldai otyryp, jaǧdaidy tolyq baqylap otyrǧanyn atap öttı.
Būdan bölek, jūmys sapary aiasynda Eraly Toǧjanov «Auyl amanaty» baǧdarlamasynyŋ ıske asyryluyna qatysty keŋes ötkızdı. Öz sözınde ol Batys Qazaqstan oblysynyŋ būl baǧdarlama boiynşa respublikada köş bastap tūrǧanyn atap öttı. Kezdesu barysynda auyl tūrǧyndaryn jeŋıldıkpen qarjylandyru, käsıpkerlık bastamalardy qoldau jäne auyldyq aumaqtardy damytu mäselelerı talqylandy. Baǧdarlama tetıgınıŋ tiımdılıgıne, qatysuşylardy ırıkteudıŋ aşyqtyǧyna jäne perspektivaly jobalardy qamtudy keŋeituge erekşe nazar audaryldy.
Sonymen qatar, Eraly Toǧjanov Memleket basşysy bekıtken 2023-2027 jyldarǧa arnalǧan auyldyq aumaqtardy damytu tūjyrymdamasy şeŋberınde oblys äkımı Nariman Töreǧalievtıŋ bastamasymen 2024 jyldyŋ basynda "Qaladan auylǧa" pilottyq jobasynyŋ tabysty ıske asyryluyn atap öttı.
Jobanyŋ maqsaty:
• Azamattardyŋ auylǧa qonys audaruyn yntalandyru;
• Halyqtyŋ köşı-qonyn azaitu jäne auyldyq jerlerdegı jūmys küşı tapşylyǧyn joiu;
• Auyldyq aumaqtardyŋ jäne agroönerkäsıptık keşennıŋ tūraqty damuyn qamtamasyz etu;
• Şaǧyn jäne orta biznes subektılerınıŋ sanyn arttyru;
• Tūraqty jūmysy joq qala tūrǧyndary men jas otbasylardy qoldau.
Bügıngı taŋda baǧdarlama aiasynda BQO-nyŋ auyldyq eldı mekenderıne 104 otbasy (519 adam) qonys audardy.