23 nauryz künı Türkiianyŋ oppozisiialyq Respublikalyq halyq partiiasynyŋ (RHP) praimerizıne 15 million adam qatysyp, qyzmetınen şettetılgen jäne qamauǧa alynǧan Ystambūl merı Ekrem İmamoǧlyǧa qoldau körsettı. Būl turaly Sözcü basylymy jazdy, dep habarlaidy “Adyrna” ūlttyq portaly.
Aqparatqa säikes, İmamoǧlynyŋ jaqtastary jeksenbı küngı praimerizde dauys berıp, ony Türkiianyŋ eŋ köne saiasi partiiasy – Respublikalyq halyq partiiasynyŋ (Cumhuriyet Halk Partisi) atynan prezidenttıkke resmi kandidat etıp sailady. Būl turaly dauys beru ūiymdastyruşylary mälımdedı.
"23 nauryzda bolaşaq prezidentımız Ekrem İmamoǧlyǧa partiiamyzdyŋ 1,653 million müşesı dauys berdı. Būl qazırgı bilıktıŋ töŋkerıs jasau äreketıne berılgen eŋ batyl jauap. Sondai-aq bız barlyq azamattardy bızdıŋ dauys beru jäşıkterımızge kelıp, öz taŋdauyn jasauǧa şaqyrdyq. Olar tarapynan 13,21 million dauys jinaldy. Jalpy alǧanda, 14,85 millionnan astam adam Ekrem İmamoǧlyǧa qoldau bıldırdı", – dedı partiia töraǧasy Özgür Özel.
Ol Erdoǧandy kezekten tys prezidenttık sailau ötkızu turaly şeşım qabyldauǧa jäne İmamoǧlyǧa qarsylas retınde şyǧuǧa şaqyrdy. Praimeriz nätijelerı jariialanǧannan keiın Ekrem İmamoglu Silivri türmesınen özınıŋ alǧaşqy jazbasyn jariialady.
"Men sızdermen menı erekşe quantqan jaŋalyqtardy bölıskım keledı. Bızdıŋ Respublikalyq halyq partiiasynyŋ prezidenttıkke aldyn ala sailauyna rekordtyq deŋgeide azamattar qatysty. 15 million otandasymyz dauys berdı. Būl elde bilıktıŋ qysymynan, küiregen ekonomikadan, bılıksızdıkten jäne zaŋsyzdyqtan zardap şegıp otyrǧan ondaǧan million adam sailau jäşıkterıne keldı", – dep jazdy ol.
Būl uaqytta Ystambūl men Türkiianyŋ basqa qalalarynda Ekrem İmamoǧlynyŋ qamauǧa alynuyna qarsy besınşı kün qatarynan narazylyq şerulerı jalǧasyp jatyr. Reuters agenttıgınıŋ habarlauynşa, bügın tünde Ystambūlda qamauǧa alynǧan merdı qoldau üşın jarty millionǧa deiın azamat jinalǧan. Polisiiamen qaqtyǧystar oryn aldy.
Eske salsaq, Ystambūl merı Ekrem İmamoǧly qarjylyq qylmystar boiynşa aiyptalyp, qamauǧa alynǧan. Bıraq sot ony terrorizm boiynşa aiyptaudy joqqa şyǧardy. 23 nauryzda Türkiianyŋ Işkı ıster ministrlıgı ony uaqytşa türde Ystambūl merı qyzmetınen şettetu turaly şeşım qabyldaǧanyn mälımdedı.
Ystambūl merınıŋ qamauǧa alynuynan keiın Ankaranyŋ oppozisiialyq merı Mansur Iаvaş kezekten tys prezidenttık sailau ötkızuge şaqyrdy.
