Tolassyz jauyn-şaşynnyŋ saldarynan Almaty oblysyndaǧy Qotyrabūlaq özenı arnasynan asyp, Talǧar audany Besaǧaş auylynda jetı aula aumaǧy men medisinalyq ortalyqty su basty. Būl turaly oblystyq tötenşe jaǧdailar departamentı mälımdedı, dep habarlaidy “Adyrna”.
Oqiǧa bügın, 25 nauryzda bolǧan.
Aldyn ala mälımetter boiynşa, su basuǧa özen arnasynyŋ zaŋsyz taryluy sebep bolǧan. Tūrǧyndar özennıŋ tabiǧi arnasyna qorşau men kürkeler ornatqan, būl sudyŋ ötkızu qabıletın tömendetken.
«Saldaryn joiu jäne su basudyŋ aldyn alu maqsatynda Talǧar audanynyŋ Tötenşe jaǧdailar bölımı jergılıktı atqaruşy organdarmen bırlesıp, su basqan üilerdıŋ joǧarǧy bölıgınde aryq jüiesın tereŋdetu jūmystaryn jürgızude. Jūmysqa Almaty oblysy TJD jäne jergılıktı atqaruşy organdarynan 15 adam, 5 tehnika jäne 2 motopompa jūmyldyryldy» delıngen departament habarlamasynda.
Qazırgı uaqytta su aǧymy toqtatylǧan, zaŋ būzuşylardy anyqtau jäne özen arnasynyŋ tabiǧi ötkızu qabıletın qalpyna keltıru jūmystary jürgızılıp jatyr.
