Joba qūny - 2.4 mlrd $. Moŋǧoliiada metro qūrylysy talqylandy

Ūlanbator qalasynyŋ azamattar ökılderınıŋ Huralynyŋ kezekten tys besınşı sessiiasynyŋ alǧaşqy talqylauynda metropoliten qūrylysy jobasynyŋ jaŋartylǧan tehnika-ekonomikalyq negızdemesın (TEN) qoldau mäselesı köterıldı, dep habarlaidy “Adyrna” ūlttyq portaly MONSAME-ge sılteme jasap. Azamattar ökılderınıŋ Huraly müşelerınıŋ basym bölıgı būl qūjatpen kelıstı. Nätijesınde Ükımetke qauly jobasyn engızu turaly şeşım qabyldandy. Azamattar ökılderınıŋ Huralynyŋ müşesı jäne qarjy-ekonomikalyq jobalar baǧdarlamasynyŋ üilestıruşısı L. Hosbaiardyŋ aituynşa, el astanasynda metro salu bastamasy alǧaş ret 2011 jyly köterılıp, Ükımettıŋ № 411 qaulysy qabyldanǧan. Jobalardy basqaru boiynşa konsaltingtık qyzmetterge ekı kezeŋnen tūratyn tender ötkızılıp, nätijesınde Oŋtüstık Koreianyŋ jetekşı kompaniialary “Duha Engineering”, “Korail”, “Susong Engineering” jäne “Korea National Railway” kıretın korei konsorsiumy taŋdalǧan. Būl konsorsium öz jūmysyn ötken jyldyŋ 5 şıldesınde bastaǧan. Metronyŋ bırınşı jelısı 19,4 km qaşyqtyqqa sozylyp, 15 stansiia men bır depodan tūrady. Ol Tolgoit pen Amgalandy “Enhtaivan” daŋǧyly arqyly bailanystyrady. Onyŋ 19,1 km bölıgı jäne 14 stansiiasy jer astynda ornalassa, bır stansiia jer betınde salynady. Tunnelder men stansiialar “astynan joǧary” ädısımen jabyq täsılde salynbaq. Al tonnel qazu maşinasynyŋ tereŋdıgı 10-25 metr aralyǧynda bolady. Käsıbi ūiymdardyŋ baǧalauynşa, metro qūrylysynyŋ jobalyq qūny 2,4 milliard AQŞ dollaryn qūraidy. Onyŋ 97,7 paiyzy qūrylys jūmystaryna, al qalǧan bölıgı tapsyrys beruşı tarapynan monitoring jürgızu jäne jer telımderın bosatu siiaqty basqa şaralarǧa jūmsalady. L. Hosbaiardyŋ aituynşa, jobany qarjylandyrudyŋ 85 paiyzyn şeteldık közderden tartu boiynşa belsendı jūmystar jürgızılude. Al qalǧan 15 paiyzy el astanasynyŋ biudjetınen bölınedı. Joba 28 moŋǧol jäne 56 halyqaralyq standartqa säikes jüzege asyrylady.