Astananyŋ Esıl audanyndaǧy Esıl özenınıŋ ortasyndaǧy «Jasyl» aral Nūrsūltan Nazarbaevtyŋ menşıgıne qaita oraldy, dep habarlaidy "Adyrna" ūlttyq portaly Orda.kz-ke sılteme jasap.
Būl aumaq soŋǧy 20 jyl boiy Nūrsūltan jäne Bolat Nazarbaevtarǧa tiesılı bolǧan. 2007 jyly äkımdık jer telımın sol kezdegı memleket basşysyna syiǧa berdı, al 2009 jyly ol araldyŋ bır bölıgın tuǧan ınısı Bolatqa tapsyrdy.
2022 jylǧy Qaŋtar oqiǧasynan keiın, Nūrsūltan Nazarbaev özınıŋ araldaǧy ülesın ūly Taumanǧa, al Bolat Nazarbaev öz bölıgın balalary Nūrbol men Qūnǧyzdyŋ atyna räsımdedı. Alaida, bügınde būl jer telımderınıŋ ielerı özgergen.
2010-jyldardyŋ basynan berı aral aumaǧyn polisiia täulık boiy küzetedı. Onda baqylau beketterı ornatylǧan, bögde adamdardyŋ kıruıne tyiym salynǧan. Aralǧa ekı jol aparady: sol jaǧalaudaǧy jol küzetılse, oŋ jaǧalaudaǧy jol tek arnaiy adamdarǧa ǧana qoljetımdı. Araldyŋ basym bölıgın biık qorşau qorşap tūr, onyŋ ışınde zäulım sarailar, tıkūşaq qonatyn alaŋ jäne jeke şaǧyn orman ornalasqan. Qazırgı taŋda aral älı de qataŋ küzetılude, bıraq Nazarbaevtar äuletınen kımnıŋ ol jerde tūratyny belgısız.
Araldyŋ Nazarbaevtarǧa tiesılı emes bölıgı būǧan deiın Qazaqstan Respublikasy Prezidentı Is basqarmasyna qarasty bolǧan. Alaida, jaqynda būl jer telımınıŋ iesı özgerdı. Kadastrlyq kartadaǧy derekterge süiensek, endı Nūrbol jäne Qūndyz Nazarbaevalardyŋ jer telımderı «Smart Investment» JŞS-ne tiesılı. Būl kompaniiany «Baitau» jeke damu qory qūrǧan, al ol öz kezegınde Nūrsūltan Nazarbaevtyŋ qorlar jüiesıne kıredı. Kompaniianyŋ keŋsesı de eks-prezidenttıŋ keŋsesı ornalasqan ǧimaratta – Astanadaǧy Tūŋǧyş Prezident kıtaphanasynda ornalasqan.
Osylaişa, jer telımı qaitadan Nūrsūltan Nazarbaevtyŋ menşıgıne öttı.
Qazırgı taŋda bükıl aral Nūrsūltan Nazarbaevqa jäne onyŋ ūlyna tiesılı. Kadastrlyq kartadaǧy mälımetter boiynşa, araldyŋ qalǧan bölıgı belgısız jeke tūlǧaǧa tiesılı. Bıraq onyŋ Tauman Nazarbaev boluy yqtimal.
Sondai-aq, būǧan deiın prezident Is basqarmasyna tiesılı bolǧan araldyŋ şyǧys bölıgınıŋ kadastrlyq derekterı kartadan alynyp tastalǧan. Būryn būl bölık kartada arnaiy kadastrlyq nömırmen körsetılıp, onyŋ iesı belgılı bolsa, qazır būl telım mülde tırkelmegen bolyp körınedı.
