Jambyl oblysynyŋ äkımı Erbol Qaraşökeev jer sılkınısınen zardap şekken Merkı jäne T.Rysqūlov audandarynda tabiǧi apattyŋ saldaryn joiu boiynşa jedel ştab otyrysyn ötkızdı, dep habarlaidy “Adyrna” ūlttyq portaly.
Jiynda audan äkımderı jaǧdaiǧa qatysty esep berdı. Zardap şekken azamattar tırkelmegen, barlyq nysan qalypty rejimde jūmys ıstep tūr. Degenmen, Merkı jäne T.Rysqūlov audandarynda 14 äleumettık nysannyŋ ışınara zaqymdanǧany anyqtaldy. Onyŋ ışınde 9 bılım beru mekemesı, 2 densaulyq saqtau nysany, 1 äleumettık qorǧau ortalyǧy, 1 sport keşenı jäne 1 mädeniet üiı bar.
Qazırgı taŋda qosymşa bülıngen nysandardy anyqtau jäne zerdeleu jūmystary jalǧasuda. Audan äkımderıne barlyq auyldyq eldı mekenderdı aralap, jaǧdaidy öz közderımen köru, tūrǧyndar arasynda tüsındıru jūmystaryn jürgızu jäne qajet bolǧan jaǧdaida psihologiialyq kömek körsetu tapsyryldy.
Oblys äkımı Erbol Qaraşökeev äleumettık jelıler men būqaralyq aqparat qūraldarynda taraǧan jalǧan aqparattarǧa nazar audaryp, tūrǧyndardy tek resmi derekközderge senuge şaqyrdy.
“Tūrǧyndardy alaŋdatqan mäsele – Merkı audanyna tehnikalardyŋ keluı men uaqytşa şatyrlardyŋ ornatyluy. Būl tötenşe jaǧdailardyŋ aldyn alu algoritmıne säikes jürgızılıp jatqan şaralar. Alaŋdauǧa negız joq. Barlyq jūmystar qauıpsızdıktı qamtamasyz etu maqsatynda atqaryluda,” – delıngen äkımdık habarlamasynda.
Aita keteiık, 28 nauryz künı tünde Jambyl oblysynyŋ bırqatar audany men Taraz qalasynda jer sılkınısı tırkeldı. Jer asty dümpulerınıŋ eŋ joǧarǧy küşı Merkı audanynda 5 ballǧa jettı. T.Rysqūlov audanynda 4 ball, al Taraz qalasy men basqa audandarda 2 ball şamasynda boldy.
Jer sılkınısı 15:56-da qaita sezıldı. Qazırgı taŋda oblys äkımınıŋ tapsyrmasyna säikes jedel ştab jūmysyn jalǧastyruda.
Ūqsas jaŋalyqtar
