Prezident qūttyqtauynda Ädılettı, Qauıpsız, Taza ärı Quatty Qazaqstan turaly aitty

Qazaqstan Prezidentı Qasym-Jomart Toqaev qazaqstandyqtardy qasiettı Ramazan aiynyŋ aiaqtaluymen qūttyqtady, dep habarlaidy “Adyrna” ūlttyq portaly. Memleket basşysy būl qasiettı merekenıŋ kelısım men dostyqty, meiırım men ızgılıktı därıpteitının atap öttı. Onyŋ aituynşa, Ramazan aiynda mūsylmandar ruhani tazaruǧa, adamgerşılık qasietterın arttyruǧa ūmtylady. Oraza ait künı jamaǧat mol dastarhan jaiyp, qonaq şaqyryp, bır-bırıne aqjarma tılekterın arnaidy, mūqtaj jandarǧa qamqorlyq körsetedı. Būl igı dästürler qoǧamda biık gumanistık qūndylyqtardyŋ ornyǧuyna yqpal etedı. “Oraza ait merekesınıŋ taǧylymy ata saltymyzben tereŋ sabaqtasyp jatyr. Bızdıŋ dınımız de, dästürımız de azamattardy bırlık pen yntymaqqa ündeidı, özara syilas boluǧa şaqyrady. Osy qasietterımız barda halqymyzdyŋ Ädılettı, Qauıpsız, Taza ärı Quatty Qazaqstandy qūru turaly arman-mūraty oryndalatynyna kämıl senımdımın. Barşaŋyzǧa baq-bereke tıleimın! Är şaŋyraqqa qūt-bereke darysyn!”  – dedı Qasym-Jomart Toqaev.