Patriotizm – Otanǧa degen süiıspenşılık, eldıŋ damuyna üles qosuǧa degen ūmtylys. Ol jai ǧana söz emes, naqty ıs-ärekettermen körınuı kerek. Patriot bolu – tuǧan jerıŋdı, tılıŋdı, mädenietıŋdı qūrmetteu, memleketıŋnıŋ güldenuı üşın aianbai eŋbek etu degendı bıldıredı. Patriotizm, bırlık pen tūraqtylyq qūndylyqtar – eldıŋ auyzbırşılıgı men eldıgıne tıkelei äser etedı. Belsendı Aidos Ermekūlymen tıldesıp, patriotizm turaly äŋgıme örbıttık.
- Aidos myrza, patriotizm degenımız ne jäne onyŋ maŋyzdylyǧy qandai?
- Patriotizm – öz Otanyŋdy süiu, eldıŋ damuyna üles qosuǧa ūmtylu jäne onyŋ igılıgı üşın eŋbek etu. Būl tek söz jüzındegı ūran emes, naqty ıs-äreketpen körınıs tabatyn qasiet. Qazaqstanda patriotizm – maŋyzdy qūndylyqtardyŋ bırı. Bız köpūltty memleketpız, sondyqtan ärbır azamat elımızdıŋ tūraqtylyǧy men damuyna öz ülesın qosuy tiıs.
- Bügıngı taŋda patriotizm qandai äreketter arqyly körınedı dep oilaisyz?
- Patriotizmnıŋ körınısterı ärtürlı boluy mümkın. Bıreuler Otan aldyndaǧy boryşyn ötep, eldı qorǧap, äskeri qyzmette jürse, endı bıreuler bılım alyp, eldıŋ ekonomikasy men mädenietınıŋ damuyna üles qosady. Mysaly, mūǧalımder men därıgerler öz qyzmetın adal atqarsa, būl da patriotizmnıŋ körınısı. Eŋ bastysy – öz elıŋe paidaly boluǧa ūmtylu.
- Qazaqstannyŋ basty ūstanymdarynyŋ bırı – bırlık pen tūraqtylyq. Būl qūndylyqtardyŋ elımız üşın maŋyzdylyǧy qandai?
- Bırlık – bızdıŋ basty bailyǧymyz. Qazaqstanda 100-den astam ūlt pen ūlys ökılderı beibıtşılık pen kelısımde ömır sürıp keledı. Eldıŋ damuy üşın halyqtyŋ bırlıgı qajet. Eger qoǧamda alauyzdyq pen tūraqsyzdyq bolsa, ekonomikalyq jäne äleumettık ösım baiaulaidy. Bız mūny älemnıŋ ärtürlı elderınde bolyp jatqan oqiǧalardan körıp otyrmyz.
- Qoǧamdaǧy bırlıktı nyǧaitu üşın ne ısteu kerek?
- Bırınşı kezekte, bız jastarǧa dūrys tärbie beruımız qajet. Ūlttyq qūndylyqtardy nasihattap, toleranttylyq pen özara syilastyqty damytuymyz kerek. Ärbır azamat özınıŋ etnikalyq nemese dıni erekşelıgıne qaramastan, Qazaqstannyŋ tolyqqandy müşesı ekenın sezınuı tiıs.
- Memlekettık rämızder – elımızdıŋ täuelsızdıgı men egemendıgınıŋ basty simvoldary. Qazırgı taŋda Qazaqstan Respublikasynyŋ Memlekettık rämızderıne degen qūrmet qanşalyqty deŋgeide?
- Menıŋ oiymşa, soŋǧy jyldary būl baǧytta oŋ özgerıster bar. Azamattarymyz Memlekettık Tu, Eltaŋba jäne Änūranǧa ülken qūrmetpen qarai bastady. Äsırese, sportşylarymyz halyqaralyq jarystarda jeŋıske jetkende, Änūranymyzdyŋ oryndaluy erekşe maqtanyş sezımın tudyrady. Degenmen, älı de Memlekettık rämızderge qūrmet körsetudı arttyra tüsu qajet.
- Būl tūrǧyda qandai şaralar qabyldanuy kerek dep oilaisyz?
- Eŋ aldymen, bılım beru jüiesınde patriottyq tärbiege basa nazar audaru kerek. Oquşylarǧa Memlekettık rämızderdıŋ maŋyzdylyǧyn tüsındıru üşın arnaiy sabaqtar, kezdesuler ūiymdastyrǧan jön. Sonymen qatar, Tuymyzdy tek resmi merekelerde ǧana emes, kündelıktı ömırde de köbırek qoldanu qajet. Būl – azamattyq sana men patriotizmdı arttyrudyŋ bır joly.
- Soŋǧy sūraq, sızdıŋ oiyŋyzşa, ärbır qazaqstandyqtyŋ boiynda qandai qasietter boluy kerek?
- Ärbır qazaqstandyq Otanǧa degen süiıspenşılıktı, bırlık pen tatulyqty, eŋbekqorlyqty jäne Memlekettık rämızderge degen qūrmettı boiyna sıŋıruı kerek. Eger bız osy qūndylyqtardy ūstansaq, Qazaqstan bolaşaqta damyǧan, quatty elge ainalady.
Qazaqstan – jüzden astam etnos pen ūlystyŋ ortaq şaŋyraǧy. Elbasy men Memleket basşylarynyŋ syndarly saiasatynyŋ arqasynda elımızde etnosaralyq jäne konfessiiaaralyq tatulyq ornady. Būl bırlık – elımızdıŋ tūraqty damuynyŋ kepılı.
Qazaqstan halqy Assambleiasynyŋ rölı – osy baǧyttaǧy maŋyzdy qūral. Assambleianyŋ atqaryp otyrǧan qyzmetı türlı etnostardyŋ mädenietın, tılın, salt-dästürın saqtauǧa mümkındık berıp qana qoimai, bır şaŋyraq astyndaǧy ortaq qūndylyqtardy nyǧaituǧa yqpal etude.
Tūraqtylyq – damu men örkendeudıŋ negızı
Tūraqtylyq – kez kelgen memlekettıŋ örkendeuınıŋ alǧy şarty. Ekonomikalyq ösım, äleumettık tūraqtylyq, halyqaralyq arenadaǧy bedel – mūnyŋ barlyǧy ışkı tūraqtylyqpen tıkelei bailanysty. Qazaqstan Täuelsızdık jyldarynda türlı synaqtarǧa tap bolǧanymen, ışkı tūraqtylyǧyn saqtap qala aldy.
Būl baǧytta eldegı qūqyqtyq reformalar, saiasi jaŋǧyrular, azamattyq qoǧam instituttaryn damytu – tūraqty ärı ädılettı memleket qūru jolyndaǧy batyl qadamdar.
