Astanada audandyq äkımdıktıŋ aldynda tūrǧan skverden Nūrsūltan Nazarbaevtyŋ suretı alynyp tastaldy. Saryarqa audanynyŋ baspasöz qyzmetı aqparatty rastady, dep habarlaidy “Adyrna” ūlttyq portaly.
Būryn Saryarqa audandyq äkımdıgınıŋ aldynda eks-prezidenttıŋ mūraǧat retındegı suretterı men basqa da saiasatkerlerdıŋ suretı bar stendter tūratyn.
Baspasöz qyzmetınıŋ mälımetınşe, Kerei, Jänıbek handar alaŋynda qaita jöndeu jūmystary bastaldy. Būl elorda tūrǧyndary men qonaqtarynyŋ jailylyǧyn jaqsartu maqsatynda atqarylyp jatqan jūmys.
«Jaŋartu aiasynda plakattary bar qūrylǧylardy bölşekteu jürgızılıp jatyr. Onyŋ ornyna köpjyldyq jasyl alaŋdary bar gülzarlar bolady, būl ekologiia men jalpy estetikany jaqsartuǧa yqpal etedı. Sondai-aq, jobada qosymşa jaryqtandyru, syrtqy jihazdy jaŋartu jäne üilesımdı landşaft dizainyn jasau qarastyrylǧan», dep jauap berdı Saryarqa audanynyŋ baspasöz qyzmetı.
