Bügın Qarjy monitoringı agenttıgınıŋ baspasöz qyzmetı Perizat Qairat pen onyŋ anasy Ǧaini Alaşbaevaǧa qatysty jaŋa mälımetterdı jariia ettı, dep habarlaidy “Adyrna” ūlttyq portaly.
QMA esebınde 2025 jyldyŋ 14 nauryzynda Perizat Qairat pen onyŋ anasy Ǧaini Alaşbaevanyŋ äreketterı kelesıdei därejede dep körsetılgen:
"Olarǧa alaiaqtyqtyŋ asa ırı kölemde jasaluyna jäne qylmystyq jolmen alynǧan qarajatty zaŋdastyruǧa küdıktı dep tanyldy".
Perizat Qairat 2021-2024 jyldar aralyǧynda qaiyrymdylyq kömek körsetu maqsatynda halyqtan aqşa jinaǧan. Onyŋ aituynşa, būl qarajattar mūqtaj balalarǧa, Palestina jäne su tasqynynan zardap şekkenderge kömek körsetu üşın jūmsalmaq bolǧan.
Tergeu amaldarynyŋ nätijesıne sai, jalpy ūrlanǧan qarjy kölemı 3,5 mlrd teŋgenı qūrady.
Perizat Qairat "Biz Birgemiz Qazaqstan
Eske salsaq, 2024 jyly 1 säuır men 15 qaraşa aralyǧynda Perizat Qairat su tasqynynan zardap şekkenderge kömek körsetu maqsatynda "Biz Birgemiz Qazaqstan 2030" QQ-nyŋ esepşotyna 2,8 mlrd teŋge jinalyp jymqyrylǧany anyqtaldy.
"Qylmystyq tabysty jymqyru maqsatynda ol 16 serıktes jeke käsıpkerlermen metaldan jasalǧan kiız üiler, qaiyqtar, etıkter jäne basqa da zattardy jetkızu jönınde jalǧan kelısımder jasasqan. Alaida būl kelısımder ıs jüzınde oryndalmaǧan”, delıngen QMA baspasöz qyzmetı habarlamasynda.
