Ǧaryşta tört kün ötkızgen halyqaralyq Fram2 zertteu missiiasynyŋ müşelerı otyrǧan Crew Dragon kapsulasy 4 säuır künı Kaliforniia jaǧalauyna sättı qondy, dep habarlaidy “Adyrna” ūlttyq portaly.
Būl kommersiialyq missiiany SpaceX kompaniiasy jüzege asyrdy.
Kapsula qonu sätınen keiın qūtqaruşylar ony teŋızdegı arnaiy kemege köterıp, aşty. Ǧaryşkerler – Erik Filips (Australiia), Rabea Rogge (Germaniia), Iаnnike Mikkelsen (Norvegiia) jäne Chun Van (Qytai-Malta) – palubaǧa öz betterımen şyqty.
Fram2 – jeke qarjylandyrylǧan halyqaralyq ǧylymi missiia. Joba atauyn 19-ǧasyrdaǧy ataqty norvegiialyq «Fram» zertteu kemesınıŋ qūrmetıne aldy. Missiiany kriptovaliuta salasynda tabysqa jetken milliarder Chun Van ūiymdastyryp, özı ekipaj jetekşısı boldy.
Ǧaryşkerler sapar barysynda 20-dan astam ǧylymi täjıribe jasady. Olardyŋ qatarynda alǧaş ret ǧaryşta adam aǧzasyna rentgen jasau, saŋyrauqūlaq ösıru, Arktika men Antarktika üstınen ūşu siiaqty erekşe zertteuler boldy. Sonymen qatar, norvegiialyq rejisser Iаnnike Mikkelsen äleumettık jelıde salmaqsyzdyqta şaşyn qalai keptıretının körsetken beinejazbamen bölıstı.
Būl saparda Germaniiadan alǧaş ret ǧaryşqa ūşqan äiel adam bar.
29 jastaǧy Rabea Rogge – elektroinjener ärı Arktikaǧa arnalǧan robot tehnikasynyŋ mamany. Ol – ǧaryşqa ūşqan alǧaşqy nemıs äielı atandy. Būǧan deiın Germaniiadan tek 12 er adam ǧana ǧaryşta bolǧan. Soŋǧy ret 1978 jyly Zigmund Ien esımdı nemıs azamaty keŋestık «Soiuz» kemesımen ǧaryşqa ūşqan bolatyn.
Ūqsas jaŋalyqtar
