Qarmet kompaniiasy 2024 jyldyŋ qorytyndysy boiynşa öz qyzmetkerlerıne syiaqy beretının mälımdedı, dep habarlaidy "Adyrna" ūlttyq portaly.
Kompaniia ūjymdyq şartta körsetılgen barlyq körsetkışter tolyq oryndalmaǧanyna qaramastan, jūmysşylardyŋ eŋbegın baǧalap, olardy qoldau maqsatynda osyndai şeşım qabyldaǧanyn atap öttı. Syiaqy 2024 jyldyŋ 1 qaŋtarynan 31 jeltoqsanyna deiın jūmys ıstegen qyzmetkerlerge tölenedı. Tölem şarttary men sanattary käsıpodaqtarmen kelısılgen.
"2024 jyl – kompaniiamyz üşın tolyqqandy alǧaşqy jyl boldy. Metall naryǧyndaǧy tūraqsyzdyq pen qūrylymdyq mäselelerge qaramastan, ūjym tabandylyqpen eŋbek ettı. Qyzmetkerlerımızdıŋ osy jauapty kezeŋdegı eŋbegıne alǧys retınde syiaqy töleudı jön kördık", – dedı Qarmet bas direktory Vadim Basin.
Kompaniia basşylyǧy būl qadam qyzmetkerlerdı odan ärı yntalandyryp, jaŋa öndırıstık jetıstıkterge jol aşatynyna senımdı.
«Būl şeşım Qarmet-tıŋ äleumettık jauapkerşılık qaǧidattaryna sai ekenın jäne kompaniia adam kapitalyna basymdyq beretının körsetedı», – dep qosty «Jaqtau» käsıpodaq töraǧasy Viktor Şetinin.
Ūqsas jaŋalyqtar
