Magnum kompaniiasynyŋ jetkızu qyzmetıne qatysty oqiǧa äleumettık jelılerde qyzu talqylanyp, qoǧam nazaryn audardy. Osyǧan bailanysty kompaniia basşylyǧy resmi mälımdeme jasap, tūtynuşylarynan jäne barşa halyqtan keşırım sūrady, dep habarlaidy «Adyrna» ūlttyq portaly.
Būǧan deiın äleumettık jelı qoldanuşysy Asylhan esımdı azamat Magnum-nan azyq-tülıkke tapsyrys bergenın, jetkızu kezınde jetkızuşınıŋ odan qazaq tılınde söileudı talap etkenın jazǧan bolatyn. Būl jazba qoǧamda türlı pıkırler tudyryp, keibır azamattar kompaniiaǧa boikot jariialauǧa şaqyrdy.
Magnum kompaniiasynyŋ top-menedjerı Niiaz Şapaqov jaǧdaidy tüsındırıp, jetkızuşınıŋ jūmystan şyǧaryluy tek tıl mäselesıne bailanysty emes ekenın, tūtynuşymen bırneşe ret dörekı söileskenı üşın osyndai şeşım qabyldanǧanyn mälımdedı.
Magnum ökılderı būl jaǧdaidan sabaq alǧandaryn jäne bolaşaqta mūndai tüsınıspeuşılıkterdı boldyrmau üşın tiıstı şaralar qabyldaityndaryn jetkızdı.
Olar jūmystan şyǧarǧan tapsyrys jetkızuşını öz ornyna qaitadan qabyldady.
Ūqsas jaŋalyqtar
