Magnum sauda jelısınde bolǧan dau aiaqtaldy. Kurer men tūtynuşy halyqqa arnaiy video ündeu joldap, tüsınıspeuşılıktıŋ şeşılgenın mälımdedı, dep habarlaidy "Adyrna" ūlttyq portaly.
Videoda tapsyrys jetkızuşı (red. kurer) jūmysqa qaita ornalasqanyn aityp, tūtynuşymen tatulasqanyn körsettı. Ekeuı de bolǧan jaǧdaiǧa qatysty halyqtan mäselege nükte qoiudy sūrap, barşa qoldau bıldırgenderge alǧys aitty.
"Soŋǧy künderı äleumettık jelıde maǧan jäne Magnumǧa qatysty äŋgıme bolyp jatyr. Sol turaly tüsındırıp ketsem deimın. Aldymen barşaŋyzǧa qoldau körsetıp jatqanyŋyzǧa ülken raqmet aitamyn. Ömır bolǧan soŋ tüsınıspeuşılık bolyp tūrady. Bıraq bärımız qazaqpyz. Elımızge tatulyq kerek. Bız kezdesıp, qol alysyp, tatulastyq. Qazır Magnumǧa jūmysymdy jalǧastyryp jatyrmyn. Jūmys beruşıge eş şaǧymym joq. Bärımız bır qazaqpyz. Ülken raqmet!" - dedı tapsyrys jetkızuşı.
Jelıde jazba jariialap, rezonans tudyrǧan Asylhan esımdı azamat ta pıkır bıldırdı.
"Qadırlı aǧaiyn! Mūndai jaǧdaidyŋ bolǧany ökınıştı. Bır-bırımızdı tüsındık. Al ekeumız bır-bırımızge eşqandai ökpe-renışımız joq", - dedı ol.
Aita keteiık, äleumettık jelıde tarap ketken oqiǧa qoǧamda ülken rezonans tudyrǧan bolatyn. Endı taraptar tatulasqandaryn aşyq bıldırıp, özara ökpe-renıştıŋ qalmaǧanyn jetkızdı.Ūqsas jaŋalyqtar
