Ūlybritaniianyŋ Britandyq habar taratu korporasiiasynyŋ (BBC) bas atqaruşy direktory Tim Deivi men BBC News jaŋalyqtar bölımınıŋ jetekşısı Debora Terness AQŞ prezidentı Donald Tramptyŋ sözın būrmalauǧa qatysty aiyptaulardan keiın otstavkaǧa ketetının mälımdedı, dep habarlaidy «Adyrna» tılşısı.
Tim Deivi özınıŋ qyzmetınen ketu turaly hatynda qatelıkter jıberılgenın moiyndady.
«BBC mınsız emes, bız ärqaşan aşyqtyq pen aiqyndyq qaǧidatyn ūstanuymyz kerek. Būl — menıŋ şeşımımnıŋ jalǧyz sebebı emes, bıraq BBC News töŋıregındegı qazırgı talqylaular oǧan äser ettı. Jalpy korporasiia jaqsy jūmys ıstep keledı, alaida keibır qatelıkterge jol berıldı. Bas direktor retınde men osy üşın tolyq jauapkerşılıktı öz moinyma aluym kerek»,–dedı ol.
Öz kezegınde Debora Terness BBC bedelıne nūqsan keltıre bastaǧanyn jetkızdı.
«Prezident Trampqa arnalǧan Panorama baǧdarlamasy töŋıregındegı dau-damai men erekşe qūrmetteitın ūiymǧa nūqsan keltıretın deŋgeige jettı. İä, qatelık boldy, bıraq BBC News ūiym retınde bırjaqtylyq tanytty degen aiyptaular şyndyqqa janaspaidy»,–dep tolyqtyrdy ol.
Aq üi basşysy Donald Tramp Truth Social-da BBC bas direktorynyŋ otstavkasyna qatysty pıkır bıldırdı.
«Barlyǧy otstavkaǧa ketıp jatyr nemese jūmystan quyldy, sebebı olar menıŋ 6 qaŋtardaǧy tamaşa sözımdı būrmalaǧandary üşın ūstaldy. Būl — prezidenttık sailauǧa aralasuǧa tyrysqan öte adal emes adamdar. Oǧan qosa, olar – köpşılık bızdıŋ №1 odaqtasymyz dep sanaityn eldıŋ ökılderı. Qandai qorqynyşty jaǧdai! Būl – demokratiia üşın naǧyz soraqylyq»– dep jazdy Tramp.
Aita keteiık, Tim Deivi BBC bas direktory qyzmetın 2020 jyldyŋ qyrküiegınen berıatqaryp keledı. Būǧan deiın ol jetı jyl boiy korporasiianyŋ kommersiialyq tarmaǧy — BBC Studios-ty basqarǧan. Jalpy onyŋ BBC-degı eŋbek ötılı 20 jyldy qūraidy. Al Debora Terness 2022 jyldan bastap BBC News jetekşısı qyzmetın atqarǧan. Ol 40-tan astam tılde habar taratatyn jäne älem boiynşa 500 millionnan astam körermenı bar jaŋalyqtar qyzmetınıŋ 5 myŋnan astam qyzmetkerın basqarǧan.
