Talǧar qalasynda qaza tapqan 16 jastaǧy Şerzat Polattyŋ ölımıne bailanysty sot ısı jalǧasyp jatyr. 17 säuır künı ötken sot otyrysynda küdıktılerdıŋ basym bölıgı öz kınälaryn moiyndaudan bas tartty, dep habarlaidy “Adyrna” ūlttyq portaly.
Sot barysynda prokuror aiyptau aktılerın jariialaǧan soŋ, sudia Erjan Janūzaqov sottaluşylardan kınälaryn moiyndaityndaryn sūrady.
Abzal Şynasyl — būzaqylyq boiynşa kınäsın jartylai moiyndaǧanymen, “Adam öltıru” babyn moiyndamady. Al Ravil Sakiev — kınäsın tolyqtai joqqa şyǧardy. Şyŋǧys Belǧojaev — kınäsın moiyndaǧanymen, ıs materialdarynda säikessızdıkter bar ekenın alǧa tartty. Azamat Toqtaubaev pen Nūrbol Toqtaubaev — kınälaryn ışınara moiyndady.
“Oqiǧa ornynda boldym, bıraq qolymda pyşaq bolǧan joq. Men de ūrlyq jasaǧanymdy moiyndamaimyn, telefondy aldym, bıraq ūrlyq nietımen emes”, – dedı Azamat Toqtaubaev.
Darhan Äskentai, Nūrqiias Iliiasov, Didar Qaliiahmet jäne Duman Ysqaq – kınälaryn tolyq moiyndamady.
Sot prosesı 18 säuır künı saǧat 10:00-de jalǧasady.
Aita keteiık, būǧan deiın ötken otyrysta prokuror ärbır sottaluşyǧa qatysty aiyptau aktısın oqyǧan bolatyn.
Ūqsas jaŋalyqtar
