Oŋtüstık Koreia būqaralyq aqparat qūraldary Qazaqstanda jürgızılgen arnaiy operasiiaǧa qatysty jaŋa mälımetterdı jariialady, dep habarlaidy "Adyrna" tılşısı.
ŪQK telekommunikasiialyq alaiaqtyqqa qatysy bar degen küdıkpen 14 Oŋtüstık Koreia azamatynyŋ ūstalǧanyn habarlaǧan.
ŪQK mälımetınşe, şeteldıkter ūiymdasqan qylmystyq top qūramynda telekommunikasiialyq jüieler arqyly alaiaqtyq jasaǧan degen küdıkke ılıngen. Olar 23 şıldede ūstalyp, būl turaly resmi aqparat 30 şıldede jariialandy.
Tıntu barysynda küdıktıler tūrǧan jerden kompiuterler, noutbukter, ūialy telefondar jäne zaŋsyz äreketterde paidalanylǧan basqa da tehnikalar tärkılengen. Qazır olar uaqytşa ūstau izoliatorynda otyr. Prosessualdyq şaralar aiaqtalǧannan keiın küdıktıler elden şyǧarylady.
Oŋtüstık Koreianyŋ BAQ mälımetınşe, küdıktıler Qazaqstan aumaǧynda koll-ortalyq ūiymdastyryp, özderın eldıŋ Qarjylyq qadaǧalau qyzmetınıŋ (FSS) qyzmetkerlerı retınde tanystyryp, Oŋtüstık Koreia azamattaryna qoŋyrau şalǧan.
Tergeu derekterıne säikes, olardyŋ äreketınen 16 adam zardap şekken. Küdıktıler jäbırlenuşılerden jalpy 600 million vonnan astam (şamamen 435–450 myŋ AQŞ dollary) qarajatty zaŋsyz iemdengen.
Yonhap News agenttıgınıŋ habarlauynşa, küdıktılerdı Qazaqstannan Oŋtüstık Koreiaǧa deportasiialau jäne ekstradisiialau 27 şılde men 5 tamyz aralyǧynda kezeŋ-kezeŋımen jürgızıledı. İnchhon halyqaralyq äuejaiyna jetkızılgennen keiın olardyŋ barlyǧy qamauǧa alynyp, tergeu, aiyp taǧu jäne sot räsımderınen ötedı.
