«Samūryq-Energo» qatysatyn jobalar aiasynda Kökşetau, Semei jäne Öskemen qalalarynda jylu elektr ortalyqtaryn (JEO) saludy qazaqstandyq-singapurlyq konsorsium jüzege asyrady, dep habarlaidy "Adyrna" ūlttyq portaly.
Būl turaly Ükımettegı brifingte Sūŋǧat Esımhanov mälımdedı.
Sūŋǧat Esımhanovtyŋ sözınşe, jobalarǧa reseilık merdıgerler qatyspaidy. Kelısımşarttar tolyqtai qazaqstandyq tarappen jasalǧan.
Vise-ministrdıŋ aituynşa, Semei men Öskemendegı jobalar boiynşa 2026 jyldyŋ basynda kelısımşarttar jasalǧan. Jaqyn ailarda qūrylys jūmystarynyŋ belsendı kezeŋı bastalady dep te josparlǧan. Mamyr aiynda negızgı jabdyqtarǧa tapsyrys berılıp, injenerlık zertteuler men qūrylys alaŋdaryn daiyndau qatar jürgızıledı.
Negızgı jabdyqtardy jetkızu 2027 jyldyŋ üşınşı toqsanyna josparlanǧan, al stansiialardy paidalanuǧa beru 2029 jyldyŋ törtınşı toqsanyna közdelgen.
Al Kökşetaudaǧy JEO qūrylysy daiyndyq jäne ışınara qūrylys kezeŋınde ekenı aityldy. Qazırgı uaqytta injenerlık jelıler tartylyp, kırme joldar salynǧan. Jobalyq-smetalyq qūjattama äzırlenıp jatyr. Ministrlık mälımetınşe, 2026 jyly äkımşılık ǧimarattyŋ qūrylysy bastalmaq.
Sondai-aq stansiianyŋ jylu quatyn 520-dan 820 gigakaloriiaǧa deiın arttyru turaly şeşım qabyldanǧan. Kökşetaudaǧy JEO-ny ıske qosu 2029 jyldyŋ bırınşı toqsanyna josparlanǧan.
Üş stansiiada da «taza kömır» tehnologiialary men jasandy intellekt elementterı engızıledı. Jobalarda zamanaui, sonyŋ ışınde qytailyq tehnologiialar qoldanylmaq. Kökşetau JEO qūrylysy şamamen 350 mlrd teŋge, Semei jäne Öskemen JEO ärqaisysy şamamen 400 mlrd teŋgenı qūraǧan.
Būl jobalar tartylǧan investisiialar arqyly jüzege asyrylady. Kompaniialar nysandardy öz qarajatyna salyp, keiın paidalanuǧa berılgen soŋ ǧana şyǧyndaryn ötei bastaidy.
