Reseidıŋ Riazan oblysynda käsıporynda jarylys bolyp, aimaqta aza tūtu künı jariialandy «Adyrna» tılşısı.
Oqys oqiǧa 15 tamyz künı Riazan oblysynyŋ Şilov audanydaǧy «Elastik» zauytyndaǧy oq-därı sehynda bolǧan. Soŋǧy derekterge süiensek, qaza tapqandar sany 11 adamǧa jetken.
«Qaiǧyly jaǧdaiǧa bailanysty 18 tamyz aza tūtu künı dep jariialandy»,—dedı oblys gubernatory Pavel Malkov.
Ol bükıl aimaq boiynşa memlekettık tu tömen tüsırıletının, al mädeniet mekemelerı, teleradio kompaniialary men ūiymdarǧa köŋıl köteru şaralaryn ötkızbeu ūsynylǧanyn atap öttı.
Oqiǧa saldarynan 130 adam zardap şekken, olardyŋ 29-y auruhanaǧa jatqyzylǧan. Barlyq zardap şekken janǧa qajettı medisinalyq kömek körsetılgen.
Sonymen qatar qazırgı uaqytta saldardy joiu jūmystary jürgızılude. Tergeu komitetı önerkäsıptık qauıpsızdık talaptarynyŋ būzyluy boiynşa qylmystyq ıs qozǧady.
