Belarus prezidentı Reseige jūmys saparymen baryp, Vladimir Putinmen jabyq formatta kelıssöz ötkızdı, dep habarlaidy "Adyrna".
Kezdesu 26 mausym künı Valdaidaǧy rezidensiiada öttı.
Kremldıŋ mälımetınşe, taraptar Odaqtyq memleket aiasyndaǧy yntymaqtastyqty, sauda-ekonomikalyq bailanystardy, bırlesken jobalardy jäne öŋırlık qauıpsızdık mäselelerın talqylaǧan.
Lukaşenkonyŋ būl sapary aldyn ala jariialanbady. Sonymen qatar Kremldıŋ baspasöz hatşysy Dmitrii Peskov kelıssöz qorytyndysy boiynşa BAQ ökılderıne mälımdeme jasalmaitynyn aitty.
Kezdesu Lukaşenkonyŋ Belarustıŋ Ukrainadaǧy soǧysqa aralaspaityny turaly mälımdemesınen bır kün ötken soŋ öttı. Ol Minsk äskeri ıs-qimyldarǧa qatysuǧa niettı emes ekenın mälımdegen bolatyn.
Al The Wall Street Journal basylymynyŋ jazuynşa, soŋǧy ailarda Mäskeu Minskıge Ukrainadaǧy soǧysqa belsendırek qatysu jönınde qysym jasaǧan. Alaida būl aqparat resmi türde rastalǧan joq.
