«Sūŋqar» zymyran tasyǧyşynyŋ alǧaşqy synaq ūşyrylymy 13–16 säuır aralyǧynda jüzege asyryluy mümkın, dep habarlaidy "Adyrna" ūlttyq portaly QazTAG-qa sıltep.
4 säuırge josparlanǧan ūşyrylym qosymşa tehnikalyq tekserıster jürgızu qajettılıgıne bailanysty keiınge şegerılgen. Qazırgı uaqytta starttyq keşen men zymyran jüielerı tolyq tekserılıp jatyr. Barlyq eskertuler joiylǧan soŋ, naqty ūşyru künın memlekettık komissiia bekıtedı.
Aita keteiık, zymyrandy alǧaş ret 27 nauryzda ūşyru josparlanǧan edı. Sodan berı altynşy märte şegerılıp otyr. Alaida tehnikalyq sebepterge bailanysty merzım bırneşe ret keiınge qaldyryldy. 31 nauryz künı «Sūŋqar» zymyrany paidaly jüktemenıŋ maketımen bırge montajdau-synaq korpusynan starttyq alaŋǧa şyǧarylyp, tık küide ornatyldy.
Zymyran ūşatyn "Bäiterek" ǧaryştyq zymyran keşenı – Qazaqstan men Reseidıŋ bırlesken jobasy. Baiqoŋyrdaǧy №45 ūşyru alaŋy negızınde jasaqtalǧan joba ekologiialyq taza otynmen jūmys ısteitın zymyrandardy ūşyruǧa arnalǧan infraqūrylym qūru maqsatyn közdeitını aitylady. Joba 2004 jyly bastalyp, 2005 jyly sol kezdegı prezidentter Nūrsūltan Nazarbaev pen Vladimir Putinnıŋ qatysuymen resmi türde ıske qosylǧan bolatyn.
Aita ketu kerek, Reseide — «Soiuz-5», Qazaqstanda «Sūŋqar» atalatyn būl alyp qūral — orta klasty, ekı satyly zymyran. Ol ekologiialyq qauıpsız otyn — naftil men sūiyq ottegın paidalanady. Joba sättı jüzege asqan jaǧdaida, Qazaqstannyŋ ǧaryş salasyndaǧy äleuetın arttyryp, halyqaralyq ūşyru naryǧyndaǧy ornyn küşeituge mümkındık beredı dep habarlanǧan.
Būǧan deiın reseilık BAQ-tyŋ zymyran atauyna qatysty pıkır jariialaǧan edık. Al byltyr Baiqoŋyrdaǧy Gagarin start alaŋynyŋ ornynan köne örkeniet oşaǧy tabylǧany habarlanǧan bolatyn.
