Qazaqstanda boryshty óteý merzimi ótken nesıeler keshirilýi múmkin. Zańǵa sáıkes bank nemese qarjy uıymy bereshekti qaıtarý týraly talap engizbese, boryshker qaryzyn qaıtarmaýǵa quqyly. Ol úshin 5 jyl qajet, dep habarlaıdy «Adyrna» ulttyq portaly Informbıýro-ǵa silteme jasap.
Bes jyl ishinde ótelmegen nesıe sotqa joldanbasa, tutynýshy qaryzynan qutylady.
Mysaly, tutynýshy áldebir qarjy uıymynan 1 mıllıon teńge nesıe rásimdeıdi. Shamamen 75 paıyzyn tólep, qalǵanyn ótegen joq. Bank dál sol kúnnen bastap bes jyl boıy qaryzdy óndirý týraly talap-aryz jazýy tıis.
«Bank tarapynan 20 kúnniń ishinde qaryzdyń somasyn jáne ony óteý týraly habarlamany jiberýge mindetti. Sebebi bank 20 kúnniń ishinde ony jibermese, onda sotqa deıingi tártip saqtalmaı qalady», – deıdi zańger Baǵdat Amandosuly.
Sotqa deıingi talap saqtalmaǵandyqtan, bereshek boıynsha ósimpul esepke alynbaıdy. Sáıkesinshe, boryshker tek tólemdi keshiktirgenge deıingi somany óteýge quqyly. Alaıda zańgerler mundaı jaǵdaılar óte sırek kezdesetinin aıtady. Óıtkeni qarjy uıymdary sotqa ýaqytyly júginedi.
Sondaı-aq qaryz qaıta esepke alynýy múmkin. Nesıe alǵan kisi 3 jyl boıy aqsha tólegen joq. Bank te habarlama jiberip, qarjyny óndirý týraly aryz túsirmese, eki jyldan keıin eskirý merzimi kúshine enedi. Osy aralyqta boryshkerdiń nesıesi boıynsha azǵantaı bolsa da aqsha aýdarylsa, ótken 3 jyl joıylyp, talap qoıý merzimi qaıta bastalady. Bir sózben aıtqanda, bul tásil bankter bereshek týraly tolyq umytyp ketken kezde ǵana iske asady.
«Adyrna» ulttyq portaly
