Resei Qazaqstan üşın qant kvotasyn jazǧy mausymǧa deiın taǧy 100 myŋ tonnaǧa arttyrudy josparlap otyr, dep habarlaidy «Adyrna» tılşısı Ükımettıŋ baspasöz qyzmetıne sılteme jasap.
17 mamyr künı Qazan qalasynda Qazaqstan vise-premerı Serık Jūmanǧarin men Resei ükımetı töraǧasynyŋ orynbasary Aleksei Overchuktyŋ töraǧalyǧymen ötken kezdesude qantqa qatysty mämıle kelısıldı.
«2024 jyldyŋ 3 mamyrynda Resei ükımetı osy jyldyŋ 31 tamyzyna deiın qant şyǧaruǧa uaqytşa tyiym salu turaly qauly qabyldady. Qazaqstan üşın 120 myŋ tonna kölemı qarastyrylǧan. Qoimalardaǧy jäne kvota şeŋberınde bölınetın qoldaǧy qordyŋ kölemıne qaramastan, qantty tūtynudyŋ eŋ joǧary sanalatyn jaz mausymy qarsaŋynda qazaqstandyq tarap ekıjaqty kezdesude qant jetkızu kvotasyn taǧy 100 myŋ tonnaǧa ūlǧaitu mäselesın köterdı. Aldyn ala kelısım alyndy, endı kvotany ūlǧaitu mäsele 29 mamyrda EEK Keŋesınıŋ otyrysynda qaralmaq»,—delıngen habarlamada.
Sondai-aq kezdesude aǧaş materialdaryn Reseiden Qazaqstanǧa äketu üşın ötkızu punktterınıŋ sanyn köbeitu mäselesı köterıldı. Qazırgı uaqytta Qazaqstan-Resei şekarasynda tek 6 ötkızu punktınen şyǧaru ǧana rūqsat etıledı. Endı Qazandaǧy kezdesudıŋ qorytyndysy boiynşa Resei tarapy jaqyn arada taǧy 4 avtokölık ötkızu punktın aşuǧa daiyn ekenın bıldırdı.
