Telejürgızuşı ar-namysy men bedelın qorǧaudy talap etude, dep habarlaidy “Adyrna” ūlttyq portaly.
“Astarly aqiqat” baǧdarlamasynyŋ jürgızuşısı Ashat Sadyrbai būrynǧy jūbaiy Aiǧanym Qorabaevany sotqa berdı. Telejürgızuşınıŋ aituynşa, būrynǧy äielı äleumettık jelılerde – Instagram, TikTok, YouTube jäne Facebook platformalarynda onyŋ ar-namysy men bedelıne nūqsan keltıretın jalǧan aqparattar jariialaǧan. Sadyrbai būl mälımetterdı şyndyqqa janaspaidy jäne jeke ömırge qolsūǧuşylyq dep baǧalap otyr. Talap-aryzda Ashat Sadyrbai jariialanǧan aqparattardy jalǧan dep tanudy, keşırım sūrau jazbasyn audio-beine formatynda äleumettık jelılerde jariialaudy, jazbaşa keşırım hatyn joldaudy jäne 1 million 500 myŋ teŋge kölemınde moraldyq şyǧyndy öteudı, keşırım jazbasynyŋ köşırmesın “Astarly aqiqat” baǧdarlamasynyŋ redaksiiasyna joldaudy talap etken. Azamattyq ıs 2025 jyldyŋ 21 aqpanynda qozǧalǧan. Qazırgı taŋda Almaty qalasynyŋ azamattyq ıster jönındegı sotynda qaralyp jatyr. Iske qatysty taraptar äzırge resmi tüsınıkteme bergen joq. Aita keteiık, Aiǧanym Qorabaeva sot prosesınıŋ aşyq ötkenın qalaidy. Onyŋ pıkırınşe, sot otyrysyna BAQ ökılderı qatysuy tiıs.Ūqsas jaŋalyqtar
