Mäskeudegı «Bodrost» monşasynda qyrǧyzdardy ūstaudyŋ qatal ädısterı migranttardyŋ tärtıp saqşylaryna qarsylyq körsetuımen tüsındırıledı. Būl turaly Reseidıŋ SIM reid kezınde «şamadan tys küş qoldanu» turaly äleumettık jelıdegı aqparatqa tüsınıkteme bere otyryp, RİA Novosti jariialady, dep habarlaidy “Adyrna” ūlttyq portaly.
«Bar mälımetke säikes, operasiia barysynda şetel azamattary qūqyq qorǧau qyzmetkerlerıne qarsylyq körsetken. Sol sebeptı būl şeteldıkterge qatysty tiıstı şaralar qoldanylǧan. Būl rette küş qūrylymdary ökılderı Resei zaŋnamasy aiasynda jäne öz qūzyretı şeŋberınde äreket ettı», – dedı SIM ökılderı.
Ministrlık būl tekseru josparly bolǧanyn jäne naqty bır eldıŋ azamattaryna baǧyttalmaǧanyn atap öttı. Reid barysynda 59 şetel azamaty ūstalǧan, olardyŋ 25-ı Reseide köşı-qon zaŋnamasyn būzyp jürgen. SIM mälımetınşe, ūstalǧandardyŋ keibırı radikaldy toptarmen bailanysta degen küdıkke ılıngen.
Osy arada Qyrǧyzstannyŋ Adam qūqyqtary jönındegı uäkılı Jamilia Jamanbaeva reseilık ärıptesı Tatiana Moskalkovamen kezdesude «Bodrost» monşasyndaǧy küş qoldanudyŋ «qalypqa sai boluyna» alaŋdauşylyq bıldırdı.
«Beinejazbalardy qarau kezınde Qyrǧyz Respublikasynyŋ azamattaryn jappai ūstau barysynda küş qoldanudyŋ säikestıgı men negızdılıgı turaly sūraqtar tuyndaidy. Qyrǧyzstan azamattaryna qatysty qandai da bır äkımşılık nemese küştık şaralar olardyŋ prosessualdyq qūqyqtarynyŋ kepıldıgı men halyqaralyq mındettemelerdı saqtai otyryp jürgızıluı kerek. Qyrǧyzstan – Euraziialyq ekonomikalyq odaqtyŋ tolyqqandy müşesı», – dedı Jamanbaeva.
Moskalkova būl oqiǧaǧa özı de nazar audarǧanyn, onyŋ ötınışınen keiın Reseidıŋ prokuraturasy men köşı-qon organdary «Bodrosttaǧy» jaǧdaiǧa bailanysty tekseru bastaǧanyn aitty.
Aita keteiık, oqiǧa 10 säuır künı, Qyrǧyzstan tumasy ärı Resei azamattyǧyn alǧan adamnyŋ menşıgındegı monşa keşenınde oryn alǧan. Jariialanǧan foto jäne beinejazbalarda arnaiy jasaq sarbazdarynyŋ monşa qonaqtaryn ūryp, olardy betımen jerge jatqyzyp, eŋbektetıp nemese tızerlete jyljytyp jürgenı, jerde jatqan adamdardyŋ üstımen basyp ötkenderı körınedı.
Osyǧan bailanysty Reseidıŋ Qyrǧyzstandaǧy elşısı Sergei Vakulov Qyrǧyzstan SIM-ne şaqyrylyp, oǧan qyrǧyz azamattaryn qataŋ ūstauǧa bailanysty tüsınıkteme beru talaby bar nota tabystaldy. Resei tarapyna sondai-aq Qyrǧyzstan azamattarynyŋ qūqyqtaryn qorǧauǧa naqty şaralar qabyldau jäne mūndai jaǧdailardyŋ qaitalanuyna jol bermeu qajettıgı aityldy, öitkenı būl jaǧdai qyrǧyz-reseilık odaqtastyq pen strategiialyq ärıptestık qarym-qatynastarǧa nūqsan keltıruı mümkın.
Qyrǧyzstannyŋ Mäskeudegı Eŋbek, äleumettık qamsyzdandyru jäne köşı-qon ministrlıgınıŋ ökıldıgı Reseidıŋ bas prokuraturasyna, IIM-ge, Mäskeu prokuraturasyna, reseilık ombudsmenge jäne basqa da mekemelerge osy oqiǧaǧa bailanysty şara qabyldau jönınde ötınış joldady.
